اقسم بالله اني عالجت نفسي بنفسي من السحر و المس بهذي الطريقة

تقرين السور مرة وحدة على الماء و الزيت عند بداية العلاج وتبدين العلاج وهذا الماء و الزيت بإذن الله يكفيك شهر بالتمام وان شاء الله يشافيك ويشفي جميع المسلمين.
وكل يوم تقرين فقط سورة البقرة قراءة فقط كاملة بجلسة واحدة لكي تحفظك من اذى المس
ذكرت قبل كذا انه الشعر فقط لا تضعين عليه زيت لكن باقي الجسم لازم يوصله الزيت ( كل ما اسمه جلد ) تحطين عليه.

يصلح للمصاب بالعين اما بس المصاب بالسحر وهل يصلح كذالك للمصاب بالمس العاشق

اختي كتبت من قبل شكلك ما قريتي الموضوع زين
يصلح للمس بانواعة حتى اشد المس سواء كان فيك واحد او بالمئات باذن الله يطلعون او ينحرقون اذا طبقتي الطريقة بحذافيرها
ويصلح للسحر بانواعه
اما العين و الحسد فلا اعلم يمكن ينفع ما ادري انا طبقته على السحر و المس

مشكوووووور والله يعطيك الف عافيه

اختي ممكن نستبدل دهن العود بالمسك

واذا لا ممكن تذكرين لنا من وين تشترينه بالضبط

وشي ثاني بغيت استفسر عنه اذا الواحد جاه ظرف وماحط المغرب عادي يحط العشاء

وجزاك الله خير ونفع بك الاسلام والمسلمين

لازم لازم دهن العود اقولها و الله عن تجربتي
ما ادري من وين العوده اللي استعملتها لأنها جت للوالده هدية واستعملتها يمكن من العربية للعود
وكانت عندنا دهن عود غير اصلي استعملتها للبواطن
( لاحظت اذا كانت العودة اصليه تخلي ريحة الموية وهي باردة رائعة بعكس التقليد تخلي فيها ريحة نوعاً ما غير مستحبة . انتي لا تهتمين لانه اذا كان فيك مس بيخليك تشمين كل شيء عفن رائحة كريحة وهذا هو اللي يخليك تشمينها لغرض في نفسه وهو انه يخليك تتركينها فانتبهي ). وبعدين مهو شرط تكون اصليه 100% اذا ما قدرتي . لكن ما تكون تقليد.
و الله كل اللي قلته و الطريقة هي اللي نفعت معاي ( كنت اقارب للجنون )
لكن الله رحمني والهمني بها الطريقة.
و الله على ما اقول شهيد
عادي اذا ظرف طارئ ممكن العشاء لكن لازم المغرب مهم لكن شيء طارئ ان شاء الله ما يضر
لكن العسل تاكلينه المغرب ما له دخل بالطارئ مهم العسل بالمغرب وقبل ما تنامين.

أسأل الله العظيم رب العرش العظيم
أن يشفينا أجمعين عاجلا يارب
شفاءا لا يغادر سقما

[كل شي اسمه جلد] اختي يعني ادهن حتى وجهي

اذا دهنت في الليل متى اغتسل

الله يحفظك

نعم حتى الوجه والجفن و الشفاه و الاذن الخارجي . بعبارة ( كل جلد )
اذا قمتي من النوم اغسلي وجهك وبعدين حطيه مرة ثاني 24 ساعة يكون جسمك مدهن
انتي لا تطلعين من البيت هذي الفترة ( اسبوعين فقط بالكثير 3 انتي جربي وتعرفين صدق كلامي وان شاء الله تدعين لي ).
واذا عندك كليه او مدرسة اغتسلي الصباح واذا رجعتي مباشرة ادهني
لكن اذا كنتي بالبيت خليه 24 ساعة افضل ( كذا كنت افعل ).
. واذا استحممتي بعد كل يومين ارجعي وضعي الزيت من جديد مباشرة

بارك الله فيك اختي والله ينفعك ويرفعك بالقرأن

بارك الله فيك اختي .. الراجيه فرج ربها
زادكم الله من فضله ومنه وكرمه .

طيب متى امسح البواطن وكم مره في اليوم ولمدة كم

وهل القراءة على الماء والزيت يصلح [من بعيد شوي وانفث من قريب]

عندما كنت مدوامة على العجوة والماء المقري فيه في الاربع الايام هل استفرغتي


[وقبل العلاج هل كان معاك حموضه في المعده او قالون

وهل عندما تستمعين للقران تحسين بالخوف]

الله يلبسك لباس الصحه والعافيه التامه الدائمه

وابشري بالدعاء

لما طلع بايش حسيتي

صار فيكي اشياء غريبه لما خرج

صدق يقولون اذا خرج تحسين كانك مولوده من جديد ولا عادي

تدهنين البواطن في الليل عند النوم فقط وهي ريحتها حلوة اذا تبين تدهنين البواطن بعد المغرب أفضل
تستعملينها من اول يوم بالعلاج الى اخر يوم بالعلاج
لازم تقرين على الماء من قريب وتنفثين فيه بحيث الماء يتحرك من تاثير النفث
لا ما استفرغت لكن جسمي كله تعبان كان جسمي مضروب وكل شيء يعورني واعرق كثير واروح للحمام وانتي بكرامه لكن غلطتي اني ما كنت اشوف وش اللي يطلع مني كنت اخاف .وهي على حسب الحالة يمكن اللي تستفرغ شاربة او ماكله شيء سحر او تاثير العارض لكن كنت اسمع تكسر عظام في جسمي بشكل يخوف لكن كنت اطمن نفسي بنفسي واقول احسن ان شاء الله تموتون وارجع ازيد اقهرهم لاني اعرف انهم يتعبون وتعبي هو بالاساس تعبهم وهلاكهم
لا ما كان عندي حموضة ولا قولون لاكن لا تخافين اختي فيها حموضه وقولون عصبي وهضمي استعملته وتعبت وجلست تصارخ يومين ( هي من البدايه مهي مقتنعه بالعلاج وتركته رغم انها تعاني و القولون سببه المس اللي فيها )
لكن انتي باذن الله بتكون عندك عزيمة واصرار وهذي كفيلة انها تخليك تتحملين وتنتصرين عليهم باذن الله

اذا قريت قران او اسمع قران اكون جالسه عند اي شخص لو كان طفل كنت اجلس عند اخوي واختي وهم يشاهدون التلفزيون واكون بعيده شوي عن الصوت واقراء او اسمع القران . لاني اذا كنت لوحدي اشعر بخوف شديد واشعر اني باهلك انا مهو هم من شدة الخوف واوقف قرايتي واحاول اهدى . لكن لاحظت اني اتشجع اذا كان احد معي بنفس المكان فلا اشعر بالخوف
طبعاً كانوا يقولون لي أهلي روحي اقري بعيد عنا اقول حرام عليكم اخاف واصيح فيسكتون واقراء ما علي ( اهم شيء اني انتصر وهم يهلكون وانا واهلي نتصافى لو يضربوني حلال لكن هم لا مو حلالهم جسدي.

لما طلعوا مني السواد اللي برجلي ويدي زالت وصار جسمي لونه موحد 2 -الرجفة اللي بيديني كني عجوز راحت 3- الخفقان راح 3- الجفاف اللي بجسمي راح 4- طبعي الحاد زال 5- الغضب انتهى 6- شحوب بشرتي زال 7- اصبحت اتكلم بوثوق 8- التاتاة في الكلام زالت 9- الثوالين زالت 10- الناس اصبحت فجأة وبدون مقدمات يهتمون لوجودي ويستمعون لحديثي وينسجمون معاي ( احس ما تغيرت في حديثي معهم ) لكن اهلي مباشرة لاحظوا علي واشعر ان الكل يبي رضاي حتى و الله اهلي ما يرفضون لي طلب وصاروا يشاوروني بكل صغيرة وكبيرة واصبح اذا احد يبي شيء من الوالد او الوالده سواء من اخواني او اي احد من خارج البيت و الله يخلوني واسطة

بختصار حياتي تغيرت بالكامل بعد العذاب الله رحمني ونصرني لاني شعرت اني حياتي كل مالها وتدمر ومن مين من اشخاص ما نشوفهم ومستغلين جسمي ( لا والله ما يخسون الا هم يدمروني ).
باختصار تغيرت خلقاً واخلاقاً ولله الحمد و المنه .

والله صادقه ياسرار الروح وانا مخليت دكتور نفسي الى مارحتله
بسبب الرجفه والعصبيه الزايد واحس اني حتى سوالف ماعرف اتكلم مع الناس
دايم اتهرب بوجود الناس حسبالله عليه طلع منه

انشالله يارب يقدرني ينصرني عليه
والمشكله انا اضعف والله امل احسه قاعد طول العمر
مع انه يتالم ويبكي متشبس بجسمي

وصراحه اسرار الروح طريقتك صعبه
وانا حدي سورة البقره وومسويه انجاز

وانا مابي اتعب نفسي اخاف مالقى نتيجه واضعف واترك العلاج


يارب بقدرني واحرقه