تعبت من الجاثوم

السلام عليكم ورحمه الله وبركاته
حبيت استفسر عن الجاثوم وهو انه من كنت صغيره وهو كان يجيني تقريبا كان عمري
8 سنوات او9 سنين والحين صار عمري 22 سنه وهو ملازمني بالبدايه كنت اشوفه
طفل صغير وكان اسود وكان يايمسك رقبتي او يلصق ظهره لي بس ماكنت احس بمسكه
لي
الا اني ماقدر اتحرك واتكلم واحس انه كاتم على صدري وبعد فتره صرت لمايجيني اشوفه
اكبر من قبل بس مااشوف ملامح وجهه ونفس الشي ويوم صار عمري 17 سنه رحت
للشيخ قالي انه حسد والحمد الله اختفى بس يوم خرج عني الشيخ ظليت بعدها كم شهر
ورجع لي من جديد بس بهيئه مره لابسه حجاب كامل مااشوف منها شي او بهيئه رجال
ماعرفه او بهيئه اهلي حتى الوضوء جربته والاذكار مافاد معي صار يجيني وصرت احلم
بالعقارب والحيايا الصفراء والثور والصراصير او ان بالحلم تلاحقني مره بالحجاب الكامل
او رجال ماعرفه ومره حلمت اني استفرغ الله يكرمكم بلغم بس ماطلع كله واحس انه مثل
الخيوط يطلع ويطلع فيني خاصه بيدي وبالفخذ بقع زرقاء وحمراء ولما اجي انا اقراء ايه
الكرسي واخر ايتين من البقره اتلخبط فيهم يعني اقعد احوس اجيب بدايه الكرسي وانتهي
باخر ايات البقره او انسى بعض الايات ولا كانها مرت علي وعلى طول انام وانا ماكملت
قرايه كاني مخدره وبعض الاحيان ماحب استنى صلاه الفجر او الظهر اتضايق احاول
انام قبل لايؤذن وفيه مشكله ثانيه هي الي منغصه علي حياتي ان ابوي مااحب اتكلم معاه
واذا جاء او سولف اصد عنه او جيت اسولف معه كان احد يربط لساني واذا سولفت
اسولف وانا صاده احس هالتصرف هو الي منكد علي احس انه غصب مو بارادتي
واذا غاب اشتاقله حيل وماحب يغيب عني واذا تاخر بالرجعه انقل هم انه تاخر واذا جاء
يضيق صدري وما احب اقعد عنده بعض الاحيان اقعد عنده مجامله لا اكثر او اقل ولا
ابين له اني مو طايقته لان اذا وضحت راح يودوني لشيخ بالغصب وانا ماابغى واذا
تدهنت بزيت مقري ارتاح بس مااحس بضيقه ولا شي بس اني اطول بالنومه اذا تدهنت
وكاني مونايمه لي سنين وثقل بس مااحلم وقتها وارتاح بالنومه وبالنسبه للقران اذا انا
شغلته عادي مااحس بشي بس مااركز وبس سرحانه بس مااحس بضيقه وماادري وين
واصل بس اذا شغله احد غيري اتضايق واشغل وقتي باي شي عشان مااحد ينتبه وعشان
مااسمع للقران واكره الي يشغله عندي بس اذا انا عادي ماحس بشي وبالنسبه اذا سمعت
احد يسولف بالرقيه او احد يجيب كلمه سحر حسد عين مس او اقراها ان احس شعر
جسمي كله يوقف وبعض الاحيان احس بروده بين اكتوفي والم بكتفي الايسر وتحت
الظهر واحس بحركه على جانب القدم الايمن على الجانب الداخل تحت العظمه البارزه
كان شي يتحرك بشكل دائري ما ادري فهمتوا علي او لا ومره كنت متضايقه ودهنت
بزيت وشربت منه ودهنت خشمي بالمسك الاسود وقريت البقره بعدها حسيت براحه
وبالنسبه لماء زمزم اشربه بالغصب احس انه ماي غسول مو حق شرب واخر شي
الصلاه لما اصلي ماادري وش قريت وكم ركعه يعني طول ما انا اصلي سرحانه
واحاول اتعوذ واسمي وابدى باول ركعه عادي بعدها اسرح احس اني خلاص تعبت
الي عنده حل يقولي لاتبخلون علي......

الله يجزاكم خير هذي ايش اعراضه

اللهم أشفك وأرحم ضعفي وضعفك؛؛؛

هذا برنامج عن الجاثوم وكيفية علاجه بإذن الله..


×كشـــف الغمــام لمن يأتيه الكابوس والجاثوم في المنــام×


وأتمنى لك الشفاء العاجل..


بوركتم؛؛

الله يجزاك خير ياابو همام الله يعافيك ماتعرف شنو اعراضه
بالمناسبه لما انام بمكان ثاني غير غرفتي مايجيني بس لما اكون بغرفتي والحين صرنا بيت ثاني ونفس الحكايه

المشاركة الأصلية كتبت بواسطة فداك الروح

الله يجزاك خير ياابو همام الله يعافيك ماتعرف شنو اعراضه
بالمناسبه لما انام بمكان ثاني غير غرفتي مايجيني بس لما اكون بغرفتي والحين صرنا بيت ثاني ونفس الحكايه

يقولون الجاثوم هو مس (طائف) بمعنى أنه يمر من هذا المكان ويحاول يزعج إذا لم تكوني محصنة جيدة أو قد يكون هو يقطن قريب من مكانك فلابد من طرده من البيت ابتداءا من دعاء الدخول للمنزل وانتهاء بقراءة القرآن مع وضع شيء من الملح الصخري به ثم رش البيت بها على زوايا البيت وسيبتعدون بإذن الله..

وأنا انصحك تسوين البرنامج اللي أعطيتك هو مفيد جدا وغير مكلف بل لو ترين كله طيب بطيب,,
فستناميم بإطمئنان من الله ,,,بإذن الواحد الأحد؛؛؛

بوركت

الله يعطيك العافيه ولا يحرمنا منك طيب بخصوص الاحلام الي احلمها مثل ماني كاتبه فوق وش تفسيره والاعراض الي تصير لي وبخصوص العلاج هل توضح ريحته وهل له مضاعفات مثل الضيق الصدر وغيرها لان ابغى استخدمه من غير مااحد من اهلي يدري لان اذا عرفوا بيغصبوني اروح لشيخ وانا ماابغى لاني اكابر عندهم ان مافيني شي بس من داخلي اتعذب بالي احس فيه

المشاركة الأصلية كتبت بواسطة فداك الروح

الله يعطيك العافيه ولا يحرمنا منك طيب بخصوص الاحلام الي احلمها مثل ماني كاتبه فوق وش تفسيره والاعراض الي تصير لي وبخصوص العلاج هل توضح ريحته وهل له مضاعفات مثل الضيق الصدر وغيرها لان ابغى استخدمه من غير مااحد من اهلي يدري لان اذا عرفوا بيغصبوني اروح لشيخ وانا ماابغى لاني اكابر عندهم ان مافيني شي بس من داخلي اتعذب بالي احس فيه

الأحلام عموما هي تحزين من الشيطان والشيطان يأتي بكل حيوان أو حشرة مكروهة لكي يحزن,,
ولايهمك وإن أردت الإستزادة,,ارجعي لموضوع رؤيا الحيوانات ودلالاتها بالمنتدى,,

وأما بالنسبة أنك لا تريدين الذهاب للرقاة فلامانع فهو خير على خير,,

مشكور وما قصرت يابو هماام تعبتك معي

السلام عليكم ورحمة الله وبركاته
ربي يشفيك ويبعد عنك الهم
السبت
20 شعبان 1431
اريد معرفة ما هو الجاثوم ؟

المشاركة الأصلية كتبت بواسطة بسمه الطيب

السلام عليكم ورحمة الله وبركاته
ربي يشفيك ويبعد عنك الهم
السبت
20 شعبان 1431
اريد معرفة ما هو الجاثوم ؟

المواضيع كثيرة جدا عن الجاثوم في هذا المنتدى وفي غيره,,
لو تكلفين نفسك شوي وتذهبين إلى أيقونة في أعلى الصفحة في المنتدى اسمها:
"البحث"

وتحطين كلمة "الجاثوم"

خرجت جميع المعلومات,,
بوركت

اختي السائله عن الجاثوم هل تريدين الجواب من مجرب والمثل يقول اسأل مجرب ولا تسأل طبيب

الأذكار ثم الأذكار ثم الأذكار الصباح والمساء والأهم منهم اذكار النوم ةان كنتي تنامي قبل إكمالها اجلسي واقرأيها ثم امسحي جسمك ثم نامي هذه حيلتي ان تصعب علي قراءتها واحتالي على من يحتال عليك .... وخذيها نصيحه ابتعدي عن كل معصيه وخاصة الأغاني والعاده السريه ( هذه بابهم على الإنسان عن تجربه ) ماشفت مثل هالثنين من المعاصي تقرب الشياطين طبعا لن نتكلم عن الصلاه في وقتها لأنها مفروغ منها ان كل مسلم يؤديها ... وابشري ببعد الجاثوم عنك ... لو قلت لك كان يجيني باليوم كم مره الان الحمد لله على فضله

همسه اخيره اجعلي قراءة الفاتحه مع الأذكار سبعا او ثلاثا كل صباح وكل مساء وستبشرين بالخير

عليك بالاذكار

جربي اقري المعوذات بكفيك وانفثي فيهما وامسحي ماستطعتي من جسمك

ولاتنسين الاذكار وانشالله انشالله بترتاحين

الله يشفيك