الجاثوم,, الكابوس,, البرك

بسم الله الرحمن الرحيم


عندي استفسار بخصوص بنت عمي اتمنى اللي عنده خبره اودراية يفيدني

من عمرها 12 سنة وهي تجيها إزعاجات منامية وتكون وقتها على بداية نومها وتصحىلكنها لاتستطيع التحكم ولاتستطيع ابعادهم عنه

هي الان عمرها 16 سنة فالبداية ماقلتلي بس تسالني عن حالتي وبعد فترة قالتلي انهامن هي صغيرة
وهي تتعب بس تقولي إذا تركت الصلاة يجون واذا صليت يبعدون عني

وانا بدوري حبيت استفسر منها واخذ معلومات يمكن اقدر اساعدها وانتم تساعدونها

قالتلي انها دايم تحلم برجلين مسلمين واقفين على تل ورجلين ارهابية يحاربونهم بالطائرات ووقت الحلم تسمع صوت عالي جدآ يشبه صوت الهواء وانها تتالم من الصوت عندما تستيقظ

عندما ياتونها تقولي انهم يحركونها ويرفعون راسها ويقلبونها بجميع الاتجاهات وتكون وقتها صاحية
ولكنها لاتستطيع فعل شيء وتصرخ وتبكي لكن لااحد يسمعها صوتها غير مسموع حتى انها في احد المرات تقول ان عيناها مفتوحة وتنظر بامها تريدها تساعدها ولكن امها لم تنتبه لها

ومرتان احست كأن احديجامعها وفي مره منهن احست باثر بسيط عندما استيقظت

هذه الازعاجات ليست مستمره بين كل مره ومره فتره بعيده مثلآ خمسة اشهر واكثر والان لها سنة وخمسة اشهر لما تاتيها

بعد هذا كله جلست انصحها لاني حسيت ان فيها شيء واخليها تقرا القران بشكل مستمر وفي احد المرات اخذتها معايه للراقي والله واحنا نمشي بالطريق ادعيلها ان مافيها شيء

وفعلآ ماحست بشي ابدآ رغم انها قالتلي انا لم استمع لرقية زين لانها كانت منتبه ليه لاني تعبت وهي اول مره تشوفني بهالشكل ...

بعدهذا كله البارح نامت وصحت قبل الفجر من نومها متكدرة يوم شافتني سالتها ايش فيكي جلست تشهق وتقولي انه ( الجاثوم, البرك, الكابوس) وتدعي وتقولي يبغى يكرهني فيك وجلست تبكي
حاولنا انها تشرب مويا لكن ماقدرت تقول لذحين خانقها جلست ربع ساعه تعبانه

بعدماهدت سالتها قالت على نومتي جاني بس طردت وبعدها رجع مره ثانية تقولي جلس يتكلم عليه اللي فهمته منها تقول انه يكلمها بصوتي انا ويهدد فيني ويبغاها تكرهني ايش قال عني ماادري ماقالت رغم اني احسها مخبيه عني شيء وقالتلي ان اخواتها وامها دخلوا عليها وحاولت تصرخ تناديهم لكن مااحد التفت لها اخواتها قال انهم دخلوا الغرفه لكن امها تقول انها ماراحت لها ابدآ وكانت وقتها نايمه ...


علمآ انها قبل فترة في منزل اخرى لهم الكل يشتكي من الاذية في ذلك المنزل تقول انها تصورت بالكاميرا وتفاجات بوجود فتاه معاها لاتعرفها وراتها امها معاها فمسحت الصورة ..

اللي تصرفته معاها قريت عليها واعطيتها مويا مقري فيها وادهنت بمسك اسود وصلت ركعتين ونامت بعدها

الان اتمنى احد يساعدني ايش يعني هذا ؟؟ وهل الجاثوم يكلم الشخص بهالطريقة ويكلمها بصوتي انا

؟؟ والا لا ؟؟ واللي فيه مس او مس عاشق بمجرد مايسمعون القران يتاثرون والا لا لانها وقت الرقية سمعت بس مو كل الرقية لانها انشغلت فيني ؟؟ وممكن تفسير للجاثوم ؟؟ وكيفية التغلب عليه؟؟ وكيف اتصرف معاها

اتمنى المساعده واتمنى مااحد يقولي تدخل عياده لانها ماتدري اني جالسة استفسر لانها بالاول خافت
ان فيها شيء ..

يارب ياحي ياقيوم البسها لباس العافية والصحه والراحه الدائمة
وجميع المسلمين والمسلمات