قصتي مع الشيطان نمرود - مستشفى المجانين - ( الجزء 1 )

تكمله القصه

كنت احس بطاقات غريبه حتى ان بعض الاحيان اقدر افسر بعض اسرار الكون مهما كانت

أهلي لاحضو هذا الشي وخافوا كثير كثير
كنت انسان تعبان ما اطلع من الغرفه الا للضروره كنت انسان حزين وصرت مبسوط كنت اشتكي واتكلم كلام ان الدنيا خلاص ماتسوى اي شي وان الله خلقنا فيها مشقه علينا قال تعالى ( انك كادح الي ربك كدحا فملاقيه) .

كنت انسان متشائم صرت متفائل كنت منحوس بأشياء كثير صرت محظوظ والله صار حظي يفلق الحصى واخوياء لاحظو يقولون عطنا حظلك وارمنا بالبحر

صار عندي اصحاب كثير وتركت العزله وكنت كل يوم أشوف اني أختصرت 60 سنه بشهر لاني وصلت لحاله ايمانيه عجيبه صرت اذا صليت احس بهدوووء واطمئنان عجيب

أسف نسيت اذكر بالجزء الثاني اني لما تكلم النمرود أنا على طول صلاه المغرب جيت اكلم الامام

بالمكتب حقه وانا اكلمه قاطعنا سوداني يقول انا انسرقت انسرقت تخيلو وهو يقولها انا كنت اشوف اللي سرقه وكيف كاني اشوف فلم بس ما تكلمت وبعدها ماكلمت الشيخ قلت خلاص الله يعافيك وكنت بكلمه عن النمرود بس ماكلمته

المهم قسما عظماا كنت اتمشى بالتحليه شفت الشيخ يحط يده على ظهري ويقول انت امس جيتني بس ماتكلمنا أنا عرفت ان الموظوع بيدي

المكان مو مكان شيخ ولا الوقت ولا اي شي لكن انا ادري ان مافيه صدفه بالدنيا ابدا ابدا

وكل شي مقدر بس ماقلتله شي ابدا ابداا

معلومه تدرون ليه الصدقه تشفي المرضى؟؟
لانها تصدر من روح باعت الدنيا وتبي تساعد الناس وكل ما كانت من القلب وانك تحس ان هذا مسكين وتحس بحاله والله تكون تأثيرهاا تأثير عجيب جدا

مو شرط بالكثير لكن بالقليل مع القلب يكون سليم

كيف دخلت المستشفى ؟؟؟

اولا انا كنت ما اعاني اي شي ابدا ابدا سليم جدا جداا ولا فيني اي خلل حتى ما يفتي واحد ويقول انت مريض مرض نفسي او او او

كنت مره عند تفتيش وحكني واحد وغضبت غضب شديد جدا جداا وكنت مار من عند الشرطي وانا مسرع وقفني قلتله انا مستعجل باخذ لوحه اللي قدامي لانه مشى قال اجلس وجب اوراقك بعده عطانياها واخذتهااا ورحت ورا اللي حكني بس راح لان الشرطي وقفني وقفت وكنت عند الداخليه قلت ابي اكلم المسؤل اللحين وكلمته وقلتله موضوعي وكان متجاوب معي لابعد درجه حتى رجعت للشرطي اللي وقفني بجيبين شرطه وانا راكب قدام الشرطي دورته وقالو انه مشى راح يجيب اكل انا عرفت انه انحاش انتظرته اللين اخر الدوام ما جاااا

رحت المرور وكنت ابي اجيبه باللي يكون ماهمني اي شي ابدااا
جيت ادخل قالي وقف سيارتك قلت لا ابدخلها داخل وقعدت ساعه عند المدخل ووراي والله زحمه دوريات وانا معطلهم

المهم بعدهااا وقفت السياره على جنب وطلعت اخذ منها اغراض وحصلتها مو موجوده واسال اللي بالبوابه ويقولون راحت الحجز قلت وش السبب قالوو موقفها غلط

المهم انا طارت شياطيني رحت للمدير اللي داخل وكلمهم واعتذرووو وقال تعال العصر عشان يطلع معك واحد تجيبونها من لبن قلت طيب

جا العصر صليت انا واللي بنجيب سيارتي بالمركز بعدها قلت له بروح البيت اجيب بعض الاغراض قال طيب رحت وجبت الاغراض وبعدهاا ماحصلت الضابط بالمسجد قلت بروح ادوره فوق وكان المركز مسكر ودخلت كان فيه ضابط رتبته عاليه وكان له احترام من الجميع

المهم سالني وش موضوعك قلت ابي فلان بن فلان قال ماشفته قلت طيب بعدها دخل مكتبه ومريت عليه قلت انت ضابط كبير ولا تعرف مكان موضفينك ومشيت وانتظرت برا شوي الا اشوف يد الضابط وجهلي لكمه اقسم بالله ماحسيت ابدا ابد لكن هو راح فيه انا استلمته وما خليه ابدا وكان بيطيح من الدور ال3 بسببي جو عساكر وغيرهم يفكونااا جا واحد قال تعال معي واخذوني لمكتب قالو انت مديت يدك وبتاخذ جزاك انت بتروح الحاير و و و

قلت اقسم بالله انت وكلكم بتندمون قد شعر راسكم لاخلي الملك يعلقكم وعرفت اسمائهم كلهم
ولاخليكم تروحون فيها انتم تهجمتم على شخص غلط ووو

طبعا كلهم خافووو والله بدو يفاوضوني ويجيبون لي مويه ويهدوني

الين قالو لي وش صار بينك والضابط ( اكبر مسئؤؤل بالقسم وعندي اسمه للي يبي يتاكد وللاسف مشهور ومعروف )..
قلت انا مالي كلام كلها اقل من ساعه وتروحون فيها كلكم قلت انا ماكلمكم انكم بتفقدون وضيفتكم انا اقول اكبر من كذااا

والله خافواا خوف وبدو يترجون ويقولون طيب وش السالفه وكذا قلت انتم هجمتم علي وانتم ما تعرفوني

وصرتو بصفه خله ينفعكم

والله بعدها بشوي طلعت من جيبي نشاء وسكر مطحون وحطيت على يدي وشميته وقلت فيه شي هذا نشاء ينشط لاني فيني سكر ورميته بوجهه وقلت حللوه لو تبون مايهمني

ههههه يحسبونه هروين ولا كوكائين والله لنظره اللي بوجيهم كانهم انسطروا على وجيههم يقولون وش هذا القوي بالمركز ويتعاطى مخدرات أكيد بيكون اللي قاله صح وبيعلقنا ورحنا فيهااا



قسما بالله اللي كنت اشمه سكر مطحون ونشاأ وله تأثير عجيب لانه ينشط المخ ولا هوب من اللي يفكرون ابد ابدااا بس ما أنكر شكله كان شي غريب علبه قزاز مثل حقت الكمياء وفيها شي ابيض وينشم اترك لكم الاستنتاج

وماراح اكمل القصه الا لما القى ردود



تكمله الجزء الثاني مشوقه جدا جدا جدا

خخخخخخخخخ

الله يشفيك

شكله عقد سلام معك وقام يدعمك ... ولو انه مايجي منهم الا الشر

لكن ترى الحاسه السادسه او الاطلاع على الماورائيات لايكون الا لانسان مريض وبشده بعد ... اكرر الله يشفيك وكل مبتلى آآآآآآآآآآآآمين

شيطانك ولاشي عند الي فيني

صراحة ذكرتني بواحد اعرفه --له جنية تزوجها وتطلعه على كل شيء يحصل وله شيخ من الجن كان سعيد جدا به ويمجده --بس في النهاية عرفت انهم منعوه من الزواج بانسيه وانقضى شبابه بدون زواج.
انصحك -اخي- ظل معاهم وشوف لوين رح يوصلوك وماتعقد عهود واتفاقيات بينك وبينهم الا لماتفكر فيها زين...وترى في كثير من الامور اللي يفسروها ممكن تكون كذب.وممكن تكون صدق--يعني انت في طريقك للروحانيات ومارح تكون اكثر من -روحاني-وكاهن--والموضوع مر به كثيرين ومازالوا لليوم روحانيين وكهنه اتجهوا للسحر فيمابعد.

اكمل يا رعاك الله ولكن لو ممكن تتجنب العامية في كتابتك، فأنا لا أفهمها جيداً

احس اسلوبك الجزء الاول كان مفهوم اكثر

لخبطتنا شوي هنا

عطنا القصة بتسلسل وبوضوح وترابط اكثر الله يعافيك


ننتظر

اخوي علم الجان كبير وعجيبي ومعقد لم يسخرهم الله الا لسليمان عليه السلام
ورغم انه سخر جميع الجن حتى المرده والعفاريت الي ان القران اتهمهم بالجهل وفظحهم وكشف عدم علمهم بالغيب
عندما مات سليمان رضي الله عنه وهو متكئا على المنسأه وهي العصى والجن ظل يخدمونه سنه ولم يعلمو انه مات ؟؟؟ الا عندما اكلت دابت الأرض منسأته ( عصاته) التي كان يتكئ عليها فسقط على الأرض ..بعدها علموالجن انه مات واخذ يحسبون متى كان موته
{فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَى مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ}

اخي الجن لا يخدمون بدون مقابل ؟؟؟ حط هذي قاعده اساسيه
الأمر يبدء بتسليه والفرح ويجعلونك تصل الي انك سوف تعرف كل شي في الغيب وتعرف العالم كيف يمشي وكيف نهايته... وينتهي أمرك الي الجنون او الشرك او السحر ؟؟؟
او التسلط عليك في بدنك واهلك ؟؟
ولا اتوقع انهم سوف يخدمونك مثل سليمان عليه السلام ..وليس نمرودك مثل الجن المسخرين لسليمان
ارجع لنفسك وفكر الف مره قبل ماتنساق ورائهم ( ادعو ربك كثير ان يهديك للحق ويخلصك منهم )

اعوذ بالله من همزات الشياطين وان يحضرون

ننتظر بقية القصة

اكمل القصه ..

المس اللي فيك ((ساحره))
ارقي نفسك برقية السحر

شفاك الله وعافاك ورفع قدرك وأعلاك