مالعمل اذا كان الجن يشعل النار في البيت ويلاحق اهلي من مكان لمكان

استمر هذا الوضع لمدة اسبوع وانقطع ولله الحمد وبعد 5اشهر اشتعل مره واحد مع العلم ان امي محافظه على الرقيه وقراءة القران والاذكار وقيام الليل ولكن سبحان الله من قبل النار وقد جاوؤ مشايخ ورقاه ولكن لم تتوقف النار ومهددين باي لحظه تولع النار الله يحفظ اهلي يارب اذا صارت اي مشكله اواي خناق بين العيال القصه طويله جدا جدا ولكن هذا الملخص

حرائق النار مشهورة ومعروفة...

وتحدث غالبا بسبب....

واحيانا تحدث بفعل ساحر..

وبعض الاسباب تكون انتقام من اهل البيت ولكن لاتنقطع فلا تجد الجن فرصة للعدوان الا اشعلتها وهربت...

واغلب الحالات تكون بسبب هوى وشهوة لاحد افراد البيت واذا حدث اي مضايقة لذلك الشخص تحدث مثل هذه الامور...

يعني البيت فيه مريض يجب ان يتعالج ولابد ان يظهر عليه الاثر من احلام وازعاج في نومه وتصرفاته وخاصة فيمن هم في مرحلة البلوغ او فوقها بقليل او تحتها على وشك البلوغ...

وكثير من الحالات يحدث فيها حرائق بسبب الجن انفسهم يتنافسون على بيت معين او يكون هناك عمار في المنزل او عدة اسحار وعند دراسة الحالة والتقصي عنها يظهر السبب او تقريبا يمكن ان يستنتج ويتم على اساسه العلاج خاصة الحالات التي لاينفع معها قراءة ثم يتكرر الاعتداء...

والعلاج نطلب من مشائخنا الكرام ان يدلو بدلوهم ويفيدونا جزاهم الله عنا كل خير.

بسم الله الرحمن الرحيم
والصلاة والسلام على قائد الغر المحجلين امام المجاهدين واله وصحبه المنتجبين
ثم اما بعد
اما حرائق الجن .. فلها شواهد كثيرة من التاريخ .. والنار التى يشعلها الجن لا تنطفئ الا بالقرآن .. وتتحرك من مكان لآخر كان هناك من يشعلها طوال الوقت ,, ويقف امامها رجال الإطفاء بالأيام فكلما زادوا الماء زادت النار
هذا النوع من الحرائق يمكن اطفاءه بماء مرقي و القراءة .. وهذه هي الأيات التي يفضل قرائتها مع الإشارة باليد و البسملة وربط الجأش والتوكل على الله :
الفاتحة بعدد وتر
اية الكرسي بعدد وتر
سورة الصافات و الجن ثم القلاقل الأربعة

تكرر الأيات الآتية بعدد وتر

الم 1 ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ 2 الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ 3 والَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالآخِرَةِ هُمْ يُوقِنُونَ 4 أُوْلَـئِكَ عَلَى هُدًى مِّن رَّبِّهِمْ وَأُوْلَـئِكَ هُمُ الْمُفْلِحُونَ 5 إِنَّ الَّذِينَ كَفَرُواْ سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لاَ يُؤْمِنُونَ 6 خَتَمَ اللّهُ عَلَى قُلُوبِهمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عظِيمٌ

63 وَقَالَتِ الْيَهُودُ يَدُ اللّهِ مَغْلُولَةٌ غُلَّتْ أَيْدِيهِمْ وَلُعِنُواْ بِمَا قَالُواْ بَلْ يَدَاهُ مَبْسُوطَتَانِ يُنفِقُ كَيْفَ يَشَاء وَلَيَزِيدَنَّ كَثِيرًا مِّنْهُم مَّا أُنزِلَ إِلَيْكَ مِن رَّبِّكَ طُغْيَانًا وَكُفْرًا وَأَلْقَيْنَا بَيْنَهُمُ الْعَدَاوَةَ وَالْبَغْضَاء إِلَى يَوْمِ الْقِيَامَةِ كُلَّمَا أَوْقَدُواْ نَارًا لِّلْحَرْبِ أَطْفَأَهَا اللّهُ وَيَسْعَوْنَ فِي الأَرْضِ فَسَادًا وَاللّهُ لاَ يُحِبُّ الْمُفْسِدِينَ

68 قُلْنَا يَا نَارُ كُونِي بَرْدًا وَسَلَامًا عَلَى إِبْرَاهِيمَ

قُلْنَا اهْبِطُواْ مِنْهَا جَمِيعاً فَإِمَّا يَأْتِيَنَّكُم مِّنِّي هُدًى فَمَن تَبِعَ هُدَايَ فَلاَ خَوْفٌ عَلَيْهِمْ وَلاَ هُمْ يَحْزَنُونَ 38 وَالَّذِينَ كَفَرواْ وَكَذَّبُواْ بِآيَاتِنَا أُولَـئِكَ أَصْحَابُ النَّارِ هُمْ فِيهَا خَالِدُونَ 39

إِنَّ الَّذِينَ كَفَرُواْ بِآيَاتِنَا سَوْفَ نُصْلِيهِمْ نَارًا كُلَّمَا نَضِجَتْ جُلُودُهُمْ بَدَّلْنَاهُمْ جُلُودًا غَيْرَهَا لِيَذُوقُواْ الْعَذَابَ إِنَّ اللّهَ كَانَ عَزِيزًا حَكِيمًا

السلام عليكم ورحمة الله وبركاته
جزاكم الله كل خير
هناك امور مهمه اود ان اذكرها لعل الله ان ينفع بها وتنحل ماساتنا
اولا البيت قبل مايسكن اهلي به كنا نسمع انه مسكون لكن ماصدقنا والبيت مو اي بيت عادي قصر ماشاء الله كلف الكثير وعمره يروح المهم اهلي يسلمون
سكنوا اهلي بالبيت من ثلاث سنوات تقريبا ماشافوا فيه شي غير ريحة كبريت تجي من الحمامات وخاصه حمام الرجال واحيانا تكون قويه وتروح
امي والحمد لله محافظه على قراءة سورة البقره وتشغيل القران 24 ساعه واذاعة القران وكذلك قيام الليل والاذكار الله يحفظها ويثبتها يارب على دينه
اخواني وخواتي فيهم الصغير والكبير فيهم الي يصلي والي مايصلي ويسمعون الاغاني ويشاهدون المسلسلات
الشغالات يقلن انهن يشفن جن على اشكال ناس احيانا
قبل تقريبا سنه ونص جت شغاله اندنوسيه عند اهلي لكن من جت المراه مهي مضبوطه بس تناظر بالمرايه ومسرحه وبس تطلع بالحوش واستمر الوضع كم شهر كذا لين ماجاء يوم وازعلت من اختي الصغيره وطلعت بالحوش وقت المغرب وراء البيت راحت امي لها ترضاها وتبيها تدخل لان وقت المغرب مو زين تطلع فيه قالت طيب بعد شوي المهم
دخلت امي وتاخرت ماادخلت الشغاله وارسلت امي لها واحد من اخواني ولما جاها لقاها منصرعه والدم يصب من خشمها وايديها ورجليها متشبصات واخذوها للمستشفى ولمل صحت اسالوها عن الي صار لها قالت جاء رجال من زاوية الحوش ويناديها وكان على هيئة اخوي وتقول انها قالت وش تبي انا ابي اروح داخل وتقول انه خنقه وضربها واغمى عليها طبعا هذا جن وقبلها الشغاله تعلقت باابوب تعلق شديد وابوي كذا حتى مايطلع من البيت وبس يبي يشوفها ولايبي امي تقعد بالبيت ويلحقها من مكان لمكان حتى النوم ماينامه يقمز من نومه ويدورها وهي كرهت امي ومادانيها بس تبي ابوي حسبي الله عليها هذا قبل المرض وبعد ماطاحت كان ابوي بدا يرجع لوضعه الطبيعي جاب شيخ وقرا عليها وتكلم على فمها وقال انه يشوفها تسقي الزرع كل يوم وانه عشقها ويبيها وصار يطلع منها ويدخل وصارت تنصرع كل شوي وحتى بدون قراءه واحيانا يتلبس على شكل بس وحتى مره اثناء القراءه صارت تركض بالشارع والبس يركض وراها ويالها قدروا يمسكونه وتناظر للشبابيك وتقول وين صديقي قصدها البس وترفض ان الشيخ يقرا عليها الا اذا طلبها ابوي توافق المهم وتكلم مره على فمها وقال انه يبي من اظافرها وشعرها ودمها وتحطه بنص الحوش وراح يطلع منها رفضوا اهلي وودوها للمكتب يبون يسفرونها ووداها ابوي للسوق وشرى لها الي تبي وراحت امي لها وودتلها اغراضها وكان مع امي شغاله ثانيه اخذتها امي تكلمها تقول اخاف ان لها فلوس اواغراض ماندري وين مكانهن وقالت لها الشغاله ماما تبي تسلم عليك بالسياره لكنها رفضت وصدت وجهها ماتبي تشوف امي فسبحان الله والله حتى الذهب امي شرتها لها واذا انمرضت ماتخليها تشتغل وتغطيها بيدينها لماتنمرض حتى الطعام غصب تحطه بفمها تخاف انها تموت لكن مايضيع الاجر عند الله ولقينا بغرفتها شعر اختي حاطته بكيس شكلها تبي تنفذ كلام الجني بس ماتبي تحط شعرها واخذت شعر اختي لانه مثل شعرها اسود وطويل مع ان اختي ماعمرها تعرضتها لابشين ولازين و راحت وهدات الامور وراح الرعب مع الايام لين جت شغاله ثانيه وهذي قصتها قصه عجيبه اكملها انشاء الله بعدين

السلام عليكم ورحمة الله وبركاته

أختي الفاضلة (أم عبد الله)

قرأت قصتك بتمعن شديد، وقد من الله علي سابقا وتعاملت مع حالة أشد من حالتكم هذه، حيث كان ساحرا مترصدا أسرة بكاملها بالسحر، حرق وضرب وتكسير ورمي بالحجارة وتبول وتبرز في كل مكان على الأرض والجدران وفي الطعام وفي حقائب الأطفال الدرسية وعلى الملابس، والحمد لله الذي تتم به الصالحات.

أما حالتكم هذه فتحليلي لها كالآتي:
ذكرتي ان حمام الرجال تنبعث منه رائحة كبريت، إذا فمصدر الشر كله من هذا الحمام، وهذه الحالة كما يبدو ليس فيها ساحر من سحرة الإنس يتتبعكم كما في الحالة التي سبق وعالجتها، ولكن يبدو أن حمام الرجال هذا قد دخله أحد سكان البيت القدامى، وقام بعملية اتصال بالجن، يعني ساحر كان يسحر في الحمام بنجاسة، وعلى ما يبدو أنه كان ضحل الخبرة في السحر، فقام الشياطين ومسكنهم الحمام، بالسيطرة على البيت كله واستعماره، بل وأسر الجن المسلمين من عمار هذا البيت، فلا يتم لهم هذا إلا بأسر عمار البيت، لأن مهمة العمار المسلمين الدفاع عن البيت وحمايته، وفي الوقت نفسه لا يمكن لعمار حمام البيت من الشياطين فعل ذلك، لأن شياطين الحمامات من أضعف أنواع الشياطين، لكن الذي فعل هذا هم الشياطين التي حضرها هذا الساحر في الماضي، وربما لم يعرف كيف يصرفها، فاستمر بهم الحال هكذا إلى يومنا هذا.

وبناءا على ما تقدم وفي ضوء خبرتي المتواضعة، أنصحك بالمتابعة مع معالج متمرس ثقة، وأن لا تهدروا وقتكم وأموالكم في استقدام معالج غير ضامن لعلمه في هذا الأمر، لأنني على شبه يقين أن الشياطين سوف تتلاعب به إن كان ضحل الخبرة.

هذا وبالله التوفبق

جزاك الله خير اخوي واكمل القصه ونا متاكده انك تبي تحتار اذا قريتها ولاتحرمونا اخواني من ردودكم لعل الله ان ينفع بها
استقدم اهلي شغاله ثانيه وهذي الشغاله من جت وراسها يوجعها ودايما مصدعه وماني وش السبب ولما بدات اشتعال النيران كان تقريبا لها سنه وبدا الامر بتطفية عداد الكهرب اذا جاء الليل واستمر الوضع تقريبا اسبوعين مع ان اهلي استبعدوا في البدايه انه جن وجابوا كذا كهربائي وغيروا العدادات والسخانات والافياش مع انها سليمه لكن مافي فايده واخر شي ربط الكهربائي العداد بحديد قوه وهنا بدا الحريق بمجلس الاحريم بلحظه واحده احترق كل شي فيه من كنب ومكيف سبليت وجبس ومكتبه كل شي وبدا قبل المغرب بشوي الجمعه واستمر اسبوع وانتهى الجمعه الثانيه قبل المغرب بعد المهم بعد ماجت المطافي وطفوا الحريق وكان وقت الحريق امي وابوي برا البيت راحوا اهلي لبيت اختي وللحين مستبعدين فكرة ان الحريق بفعل الجن توقعوا انه حريق عادي ولما وصلوا لبيت اختي ولع مجلس الحريم عندها وطلعوا من البيت وكان الرجال والدفاع المدني يطفون بيت اهلي ومافي احد عندهم واحترق اغلب البيت والكهرب مافصلوه واحترق وصار حريق كبير بداوا هنا يشكون بانه جن لكن للحين عندهم امل انه حريق عادي ماتاكدوا
راحوا لبيت اخوي ومن دخلوا ولع بيت اخوي بغرفة النوم وكثرت الحرايق ليل ونهار واصبحوا في حراسه مستمره اربع وعشرين ساعه رجعوا للبيت الاول ووقعدوا به تقريبا يومين مع توزع الرجال في الغرف فوق وتحت وبعضهم عند الحريم لان الحرايق ماتصير عند الرجال ماتصير الاعند الحريم
حتى النوم ماينامون لان النار تغفلهم وتولع باي شي حتى بالملاعق داخل الدرج ومن افياش الكهرب تطلع شي عجيب سبحان الله المهم ابدات القراءه والمشايخ جو بكثره واستمرار لكن سبحان الله ماكان لها اي تاثير قالوا اهلي يبون يعرفون النار نمن تبي وتفرقوا ودوا الشغاله حقت اهلي وشغالة اختي ورجال لبيت اخوي والباقين بقوا بالبيت من المغرب تقريبا لاخر الليل وماصار اي حريق لاعند اهلي ولاعند اخوي خافوا اهلي عليهم لانهم بداوا ينعسون خافوا ينامون وتاكلهم النار وخلوهم يرجعون ومن دخلوا ولعت النيران وبشده
راحوا اهلي لبيت اخوي لانه شقه صغيره علشان يلاحظون النار الي قبل ماتبدا يشمون ريحة دخان وبعدين يلقونها مولعه باي مكان واستمر الوضع اسبوع من العذاب والحراسه الشديده
ثاني يوم من الحريق اتصل اهل الشغاله الموجوده عند اهلي وبكثره يبون يكلمونها وكانوا اهلي بيت اخوي والشي الثاني لما بداالحريق سوت الشغاله خلطه ورشتها بالبيت وهي ثوم ورز وماء وشي ثاني مااذكره وطبختهم ورشتهم بالبيت تقول انهن يطردن الشياطين
الشغاله هذي ابوها كاهن علمت اهلي قبل هالامر
بيتها باندنوسيا مسكون ومتفق ابوها مع الجن الي ساكنينه انهم ماياذونها بس تحط اسبوعيا لهم دخان وشاي وياخذونهن
كان معها كتاب تقرا فيه وبه ايات مجموعه من سور متفرقه ولما ضاع انجنت وصارت نفسيتها زفت تحسب ان احد اخذه ولما لقته ارتاحت
كانت تشتغل بالمدينه قبل سنوات وتقول ان المكيفات تشتغل لحالها والشبابيك تفتح لحالها وانها علمت اصحاب البيت وكذبوها وقالوا هذي ديار مقدسه

تفرقوا اهلي مره ثانيه قسم راحوا لبيت خالي الي هم امي واخواني الصغار وابوي واخواتي الكبار واخواني جلسوا ببيت اخوي وماصار ليلتها شي ومن رجعوا اجتمعوا ولعت النيار نسال الله الفرج
ولما جاء نهاية الاسبوع قالت الشغاله لااختي انا ابي اقولكم شي واخاف تخافون ومارضت تعلمها وناداها ابوي ورفضت تكلم عند اخواني وقالت لازم يطلعون وعلمت ابوي انها يوم الخميس واحد من اخواني هوشها وقاها ليش ماكويتي شماغي بزعل له يومين معطيك اياه وكان هالكلام قدام مدرسينه فزعلت وصارت تبكي وجتها الجنيه وصارت تبكي معها وتقولها انا انثنى وماارضى انه يهاوشكي قدام الرجال وانها راح تولع النار وانها ترجتها تطفي النار بعد ماولعت ورفضت تقول لازم اادبهم
كانت الشغاله ماتتاثر اثناء القراءه قبل ماتعلم لكن كانت احيانا تنام اثناء القراءه وكان اهلي من الخوف ماينامون وهي تنام طبعي وتقول مهي خايفه عادي وتقول مستعده تنام ببيت اهلي لحالها بدون خوف حتى راحت امي وابوي وهي للبيت يجبون اغراض فراحت تركض للدور الثالث لحالها تبيها امي تصبر علشان تروح معها خايفه عليها لكن انطلقت لحاله
بعد ماعلمت ابوي بالموضوع حاب ابوي مشايخ ولما بداو بالقراءه تاثرت وتكلم على فمها وقال انه له 12 سنه معها وانه هو الي يولع النيران ولما صحت سالوها اهلي تقول انها مابها شي اول وانه من البيت
المهم خلوها اهلي تكلم ابوها من الجوال وسجلوا المكالمه وترجموها وقالت لابوها انها خايفه على اهلي لانهم مثل اهلها فطمنها ابوها وقال هذا تبي تخوفهم بس وقالها ايات وسور لازم تقرا واربعين شخص لازم يقراه علشان تطفي النار
جاء شيخ للمنطقه لكن رفض الشيخ انه يجي البيت وقال لازم تجوني انتم راحوا اهلي والشغاله تاثرت ومشوا من عند الشيخ وهي مهي صاحيه انطلقت بالشارع تركض وماسكه يد اخوي ياله امسكوها ولما ركبت السياره بنشرت مرتين السياره الي هي فيها
المهم قال الشيخ سفروها وكذا ناس قالوا سفرها ابوي بعد مااعطاها كل واحد منهم فلوس وهدايا وسامحت اخوي ونزلوها للسوق مرتين يعني راحت و نفسها زينه عليهم
قالت لامي انها متاسفه لانه بسببها البيوت اخربت هداتها امي وقالت هذا ابتلاء من الله
وقايله لابوي انها تتمنى تاخذ امي معها علشان امي ترتاح الله يستر يارب
ولما اتصلوا اهلها بعد بداية الحريق تقول انه ابوها شايف هالامر بحلم وانه يبي يطمن عليه
صارت ماتحب كثر الكلام والمشاكل ولما تصير اي مشكله يوجعها راسها وتقول انها تجيها الجنيه اذا اوجعها راسها ولما خلوها اهلي تكلم ابوها تكلمه عادي ولما خلصت علمت اهلي باخباره والكلام الي يقوله وكانت تضحك وعادي الامر وبعدها بشوي والى يغمى عليها وتقول السبب لان زوجها تزوج عليها وعلمها ابوها لكن شي غريب ماتاثرت اول كانت تضحك والله اعلم بالحال
دخلت الشغاله وخالي واخوي ومرة اخوي المطبخ اثناء اشتعال النار وصار الصحن يدور من اسفل الارض الى ماوصل السقف وهي تضحك والباقين ماتوا خوف وتقول انها تضحك لانهم خافوا والشي الثاني مرة اخوي كانت بغرفتها والشغاله واقفه عند الباب والى التلفون يرتفع الزر حق الحراره ويطلع صوت وصارت تضحك وقبل ماتسافر راحت تودع شغاة جدتي الي كانت هي وجدتي بنفس البيت لكن بعد الحرايق خافوا عليها وودوها لبيت عمي وعلى فكره جدتي مقعده وبعدين راحت للبيت تاخذ اغراضه ولما مشت ووصلت لباب الكراج وكان الكتروني اخذت صورة رجلها وقطعتها عند الباب وصار الباب مايفتح وقالت لابوي انهم زعلوا علشانها زعلانه من رجله وعلشان كذا مافتحوا الباب

قبل كم شهر كانن الشغالات بالحوش وامي عندهن وتهاوشن والا شغالة جدتي الدم يصب من وجهها وتقول لامي ان في احد دفها على الجدار قالت امي مافي احد الا انا وانت والشغاله الثانيه من يبي يدفك قالت ماادري فيه احد دفني ولمل جت اتسافر قالت لاهلي انه لما تهاوشت مع شغالة جدتي فزعوا لها الجن ودفوا الشغاله على الجدار
وتقول انها بديرتها انها ضربت 3رجال ضرب وهي ضعيفه واي يشوفها يقول ماتقدر تسويها
تبي تنتقم من زوجها اذا مارجع فلوسها وتقول اذا كان بنفس الديره تقدر له واذا كان بعيد ماتقدر حاولنا نعرف وشلون لكن ماقدرنا
بعد الاسبوع الي ولعت فيه النيران وانتهائها تهاوشوا اثنين من اخوانا وجتهم الشغاله وقالت خلاص راسي اوجعني لاتهاوشون لكن اخواني ماطاعوا وقال واحد من اخواني خليها تولع قالت بكيفكم خلها تولع وولعت النار مره ثانيه مره واحده
اخواني تصير بينهم مشاكل على اتفه الاسباب وتاصل للسكاكين وغول الرقبه يعني للموت الله يهديهم ويفرج الهم يارب
من ضمن الكلام الي قالته لاهلي قبل ماتمشي انه النار تشمل اهلي كلهم وحتى المتزوجين تقول كل عيال امي الا انا ماادري ليه يمكن اني بعيده الله اعلم وحتى لاقدر الله لوتوفوا تروح لنسلهم
ووصت انهم يفرقون بين اثنين من اخواني وانه فيه جني كافر هو الي يسوي المشاكل والجنيه المسلمه هي الي تولع النار علشان توقف المشاكل وكانها صارت عناد بينهم
وقالت لازم يصلون وتصفى قلوبهم لبعضهم
وقلت انه يمكن يدخل بااخوي اواختي الي اعمارهم بين13و15
وقالت لاترشون البيت ماء قرايه

تقول اذا صارت هالامور مهي راح تولع النار
راحت بشهر11الماضي والامور مستقره والبيت حق اهلي به رجال ماحس باي شي والامر مستتب ونسيت اقول شي قالت لاختي قبل النار انها شافت حلم وهوا ان فيه شغاله اندنوسيه كانت ساكنه بالبيت وسواق تركي وانهم عملوا فساد وانه كفيلهم دري وذبحهم ودفنهم بالبيت واحد بغرفة جدتي وواحد بالمقلط ومااحد دري طبعا هم من الانس وعلشان كذا صاروا الجن بالبيت ينتقمون لهمولما جت تسافر قالت ان هالامر حقيقه وان الجنيه علمتها هالامر
بعد ماراحت كلموها اهلي وقالت انها مرتاحه ومافي شي وكلموها بعد فتره وقالت انها تعبانه وكل جسمها يوجعها وسالت فيه مشاكل ولا لا وقالت انها تجي وتشوف فيه مشاكل ولا لا وانها اذا صارت مشاكل عند اهلي تتعب وهي بديرتها وقالت انها تبي تروح للامارات تشتغل هناك ماادري وشلون وهي تعبانه
صارت مشاكل بين اخواني كثيره لكن ماصار نار ورشوا البيت ماء مقري وماصار شي لكن جابوا اهلي جدتي وشغالتها وسافرت امي وابوي لان امي تعبانه وصارت هوشه بين اخواني نفسهم الاولين ووصلت للموت الاسبوع الماضي وصارت الشغاله تفك بينهم وتبكي طلعوا بعدها من البيت ومن اطلعوا ولع مجلس الرجال ولع كله نار طلعوا اهلي من البيت وماصار شي بعده وقبلها خلوا اهلي شغالة جدتي تكلم الشغاله الي راحت قالوا يمكن تعترف لها بشي

امي صارت تتعب وقت النوم اذا جت تبي تنام وبداية النوم تجيها رجفه قويه بالجهه اليسرى من الجسم ماتخليها تنام ومع القراءه تحس بانه شي براسها يفور ويغلي شخص الدكتور الوضع على انه صدمه عصبيه
ابوي باول مرتين عند سماعه للرقيه يحس انه يبي يطرش وان في شي بطنه بعدين صار مايحس بشي
واحد من اخواني اثناء الرقيه والي هو طرف رئيسي بالمشاكل دايم ينام ولايفتح عين ويسكر عين يعني نظرات مهي طبيعيه وماء القرايه مايشربه يقول انها توجع بطنه وانه يسمع طق على الشباك ومايخاف
راحت امي هي واخواني لراقي شرعي مضمون جدا وكانت عنده زوجته طلبت من امي انها تخيل شكل البيت لكن امي رفضت خافت انه هالشي حرام وقالت الاخره ولاالدنيا قالت لاخواني يتخيلون شكل البيت سكتوا وبعد قراءه الرقيه الشرعيه وصفت لاهلي مكان المخز الي يفتح على المطبخ وقالفي دروجه سحر من الشغاله الاوله على الجدار بين الدرج والجدار وتقول ان الشغاله الاولى جابت سحر تبي تسحر ابوي لانها تبيه وحطته بماء حامي ولازم ينحط ببارد ونط السح من الحراره وراح للمكان الي ذكرت وانقلب عليها وانها شربت ابوي منه وعلشان كذا جاها بالحوش وخنقها الجني
ماادري وشلون تعرف مع انها مهي كاهنه لان زوجها راقي شرعي ويقول انه قرين الي معها والله اعلم وقبل مايروحون للشيخ فسر مفسر الاحلام حلم لاهلي وقالهم مكان السحر بالمخزن فتشوا عليه
الحين اهلي تفرقوا من الاسبوع الماضي من بعد النار الاخيره ومااجتمعوا الاالخميس واخواني الثنين متفرقين للحين خايفين اهلي
اللهم نسالك بكل اسم هو لك ان ترفع مصابنا وان تحفظ ديننا ولاتفتنا في هذه الدنيا وان تبعد شرور الجن والانس عنا يارب
لاتنسون اخواني واخواتي ان تدعون لنا بتفريج الهم

نسيت اقول ان المراه قالت لاهلي غيروا عن الاندنوسيات لانه يبي يتواصل هالامر معهن بسبب انقلاب السحر على الاولى والله اعلم
سبحان الله قصه اغرب من الخيال والله اعلم وش السبب

اخي جند الله ارجوا كتابة معلوما ت بالتفصيل عن الحاله الي عالجتها وبالتفصيل وكم استمر وضع النيران وهل توقفت وكيف وهل بالسعوديه هالامر حصل ومنذ متى وجزاك الله كل خير
بالنسبه لرائحة الحمام تجي كل حمامات البيت لكن اقوى شي حمام الرجال وبعده الدور الثالث تجي وتروح
وام تكلم الجني على لسان الشغاله الاوله قال انه تركي وكافر وحضرت المراه المسلمه وبدات بالقاء التحيه وقالت انها اندنوسيه مسلمه وهي تمر كل بيوت الحاره تحاول تصلح الي افسده الجني الكافر واعمارهم بالالاف وتقول عنه مجرم ولما صحت الشغاله قالت انها شافت بيتهم بالحوش في بيت اهلي والله اعلم

السلام عليكم ورحمة الله وبركاته

الأخت الفاضلة (أم عبد الله) حفظها الله ورعاها

تحضرين إلى المنتدى وتنصرفين، ولم تخبرينا إلى ما صارت إليه الحالة، نرجو منك أن تطمئنينا عسى أن تكون الأخبار خيرا!!!