ابي اغير حياتي

[overline]السلام عليكم ورحمة الله وبركاته..

وفقكم الله وسدد خطاكم

مشكلتي انا

انا حساسه لكن ما ابين شعوري ولا افضفض واطلع الي بداخلي
فاشلة في تكون صداقات , ولله الحمد انا داعية على شبكة الانترنت واكتب محاضرات دينية
اخلاقي مع الناس حميده واخلاقي مع اخواني زينة لكن عندي اخو ما اتقبله عمره 11 سنه
اكرهه كره غير طبيعي اي ششي يسويه لو بسيط اصارخ عليه واهاوشه , وسنين ماعمري تعاطفت معاه الا قليل جدا واحاول اني اتقبله واحبه واتسامح منه لكن ماقدرت فيه شي يمنعني هو ما سوا لي شي ابد بس عجزت احبه
وانا غالبا فالبيت اكون جالسه على اللاب توب وامي دائما تهاوشني تقول اجلسي معنا واذا جلست مع اهلي ما ارتاح نفسيا
انا ما افهم نفسي ليش انا اسوي كذا , ما احب اجلس مع اهلي واسولف معهم ولا احب اخوي واكره قووه
عندي اخوان وواخوات وكلهم احبهم بس ما احب اجتمع معهم بس اخوي الي عمره 11 الي اكره

عندي اختين يوم كبرت وصرت افهم الدنيا تزوجت اختي مابقت الا وحده وصرت اغار منها اشوف امي تهتم بأختي اكثر مني , لأن اختي عندها مواهب وامي تشتريلها اشياء وكذا عشان تنمي موهبتها وانا ماعندي موهبه عشان كذا تهتم فيها اكثر مني وتجي ايام اكرها ومره احبها ومره اغار منها

وهاليومين امي طلعت للسوق مع اختي وخلتي فالبيت مع اخواني الصغار يوم راحوا تأخروا مارجعوا وانا نمت وخليت اخواني لحالهم رجعت امي ومن بكره هاوشتني ليش انام وخليت اخواني عاد انا قمت طلعت كل الي بقلبي وكبيته على امي قلت انتم اصلا ما تهتمون فيني ومفضله اختي علي وانتم ما تحبوني ومحد يحبني واخذتي اختي معك للسوق وخليتيني مع اخواني انا كنت قاصده انام واخليهم وامي فهمت كلامي اني اعاقبها وقالت لي انقلعي انقلعي وانا ماقدرت اتلكم وافهم امي وافهمها وش كان قصدي وابيها تراعي شعوري تصير لي مشاكل بالمدرسه كثيره ومن سنين وانا كاتمة مشاكلي لنفسي انجرحت كثير يعني اشياء كثيره صارت انجرحت منها وكتمتها
واليوم ابوي قال لأمي وهو يأشر علي قال لبسها ما ضبط تفصيله قالت ( كان يقصدني ) قالت امي ماهمني الا ثنتين ( تقصد اخواتي ) ماعندي بنت ثالثه ( يعني انا ما اهمها ولاني بنتها )
وان اعارفه انها تقصد من الكلام تبي تقهرني وتبيني اتسامح منها اكثر من مره
وانا قد قلت لها سامحيني بس قالت لي ماراح ارضى عنك
انا ماسويت شي بس يوم جيت افضفض قلت كلام ما اقصده زلة لسان وهي فهمت كلام غلط مثل ماقلت قبل فهمت اني اعاقبها بالتصرفات الي اسويها انا

ويوم كنا صغار كانت امي عندها مشاكل كثيره وكانت هي وابوي دائما يتهاوشون يعني كانت مضغوطه مره من المشاكل فأثر على نفسيتها ودائما دائما امي جالسه على اللاب توب ماعمرها جلست معنا ولا سولف معنا وكانت ماتتكلم الا بالصراخ وتظربنا بالخزرانه وتقومنا المدرسة الصبح بالضرب وتهاوشنا وتضربنا قدام الناس واذا جت تدرسنا اذا مافهمنا تضربنا وتصاخ علينا
بس يوم كبرنا تغيرت الاوضاع وتحسنت علاقه امي بأبوي وانحلت مشاكل كثيره
بس انا تأثرت بحياتي يوم اني صغيره يوم كبرت ماكنت اقول لأحد اذا صار لي مشكله عشان يعلمني وشلون احلها واذا انجرحت ما ابين لحد ماكنت اتكلم مع امي كثير واقولها وش يصير لي

صارت امي تعطينا دروس عن الحياة وشلون نتعامل مع الناس و دروس دينيه وشلون نتقرب الى الله

عطتنا كل شيء حتى الفلوس الي عندنا ماتكفي اذا بغينا لبس امي تدفع من فلوسها تشتري لنا ولا تشتريها
امي لها افضال كثيره علينا بس ما عطتنا الحنان يوم حنا صغار
الحين لو عطتنا ما ينفع لأني كبرت وصرت افهم ماتعودت على الحنان والأمومه ولا تعودت ان فيه احد يسمعني وافضفض له

انا ابي منكم تقولون وشلون اخلي امي ترضى عني , و وشلون افهمها الي بداخلي
امي شخصيتها قوية واذا جيت اتفاهم معها تتفاهم معي بصوت عالي تعصب على طول
بعدها خلاص استسلمت ماصرت اتفاهم معها واقولها ليش انا سويت كذا لأن هي ما تخلي فرصه احد يتكلم تعصب على طول اخاف اكلمها
و وشلون احب اخوي الي اكرره وما اواطنة وما ادري وش السبب وهو صغير عمره 11
هو طيب والي اسلوبه معه زين يحبه ويخدمه بس ان عجزت استغل هالصفات الي فيه واكسبه كأخو وعزوة لي اذا كبر
وانا دائما حزينه وفيني ضيقه والي مأثر على نفسيتي شوي بططني , بطني كبير مره كأني حامل رحت المستشفيات يقولون لي مافيك شي وكثثير اشوق رؤيا ويقولون ان انتفاخ بطني بحجم غير طبيعي هو تعب روحاني ٍ فأثر على نفسيتي شكلي عادي وبطني كبير

غيروا لي حياتي
[/overline]