كيف يتأكد المسلم أنه ممسوس أو مسحور

اختي مصباح ربي يشفي اختك ويفرج همك العلاج اللي ذكرتية ايضا وصفه لي الدكتور ومارضي يقول لي على التشخيص مع اني لما رحت طبيبة ثانية قالت لي اظطراب وجداني واكتئاب مابعد الولادة وقالت شلون اخذتي هذاك الدواء انت ماتحتاجينه اعطتني ادوية ثانية ارتحت معها شوي
الزبريكسا زاد وزني بشكل مو طبيعي مع اني ما استخدمته غير شهرين ونص وصرت انام وانا جالسة وسط الناس صار يومي نوم في نوم ما اصحى الا اكل واصلي حتى زوجي تضايق من هالامر وطلب من الدكتور انه يوقف العلاج وبالفعل وقفه مع انه مارضي في البداية وقال بغير العلاج لكن زوجي رفض لكن حالتي انتكست وبعد 10 اشهر راجعت طبيبة ووصفت لي عدد من الادوية ممكن وصل الى 8 انواع كل ما اشي لها شي تضيف نوع جديد لكن انا ماتحملت غير 3 استمريت عليهن سنة و3 اشهر تحسنت خفت الوساوس ونوبات الهلع وصرت قادرة اعيش يومي لكن الان لي من تركتهن سنة وعليها قبل شهرين انتكست حالتي وهي بالاصل مع كل دورة شهرية تنتكس واتعب لكن هالمره انتكست بقوة وحاولت اطلع من هالحالة فصارت كل شهر تجيني انتكاسه احيانا خفيفة واحيانا قوية واقاوم لين تخف ربي ترحمنا برحمتك ربي اني مسني الضر وانت ارحم الراحمين ربي اشفني واشفي ليلى وجميع مرضى المسلمين اصعب شئ المرض اللي تحتار فية اشد من المرض نفسة الحيرة والتوهان تقلب الحياة جحيم
لاحظوا حركات اختك لما تكون نايمه والقرآن يشتغل ما اظن المريض النفسي لما يسمع القرآن وهو نايم بيصحى وبيقلب الدنيا او يسوي حركات لا ارادية وهو نايم