أرجوكم الكل يدخل ويشاركني الحل

عزيزتي حزنت كثير لما قريت اللي كتبتيه و حزنت اكثر لما عرفت انك في عمر الزهور حبيبتي ودي اكتب لك شي مهم اولا ان الله خلق الانسان في كبد و هذا شي انا مومنة فيه ليش عشان نجمع اكبر قدر ممكن من الحسنات صح و لا لا انا على فكرة عشت اوضاع مثلك و انا في سنك و انا الان و لله الحمد عندي 5 اولاد و عايشة حياة سعيدة و عندما اتذكر الدموع اللي كنت اذفها و الليالي اللي كنت اسهر فيها من الحزن اقول لو ادري ان ربي بيعطين حياتي اللي الان ما كنت تعبت نفسي انت توك في بداية حياتك لا تضيعين وقتك بشي ما منه فايدة اذا ما انقبلت في الجامعة شوفي لك معهد و الحين فرص التعليم و التدريب كثرت بالنسة للبنات شوفي اللي يناسبك و بعدين اذا ما حصلك الجامعة مهوب اخر الدنيا الله بيوفقك انشاالله بس لازم من الاصرار و اله يا واجهت من المصاعب الين ما قلت بس لكن العبرة في لنهاية و ازيدك من الشعر بيت انا بعد مصابة بمرض روحي و اجاهد في اني اكون طبيعية قدر الامكان و انت ليش تبين اهلك يقتوعون انك مريضة موب لازم انتي توكلي على رب العالمين و اوصيك بصلاة الليل و العاء و تكرار الاستغفار و باقي الاذكار و الله كلها اسلحة عندك تتقوين فيها على عدوك و على كل من يجرح مشاعرك و على قول الاخوان و الاخوا الزمن هذا زمن القصص العجيبة فلا تنتظرين الحب من احد فقط ادعي انه ربي يعوضك برجل صالح و تعيشين باقي ايام عمرك سعيده بعدين النت مليان مواقع عن التنمية البشرية طوري نفسك تعرفي على انماط الشخصيات يمكن تقدرين تعرفين طريقة لتعامل فيها مع اهلك بدل الاستسلام ترى مرة شي سي لما يحسس نفسه الانسان انه مظلوم و انه مسكين بالعكس انت قوي نفسك بايمانك و خلي عندك ثقة بنفسك كل انسان له مواهب حلوة بس الشاطر اللي يكتشف ايش هي تمنياتي لك بالتوفيق انشا الله اذا احتجت اي مساعدة انا في الخدمة و ابي اسمع منك اخبار حلوة انشاالله تحياتي