 |
 |
 |
|
|
|
|
|
رقم المشاركة : ( 1 )
03-Apr-2010, 05:25 PM
|
|||||||||
|
|||||||||
|
للنساء فقط ..قصه اممم ماادري بس عجبتني ونقلتها
السلام عليكم ورحمة الله وبركاته
قصة عجبتني وحبيت انقلها لكم انا تزوجت وكان عمري 20سنه من زوج اكبر مني بـ 5 سنوات كان الزوج المثالي كان الزوج الطيب والحنون كان يحبني وانا احبه تزوجته وهو الي علمني اشياء كثيره ماكنت اعرفها مر الشهر الاول والشهر الثاني والشهر الثالث ولاكن لم يكن هناك اي بوادر حمل وكان زوجي متشوق مرره للحمل لحبه للاطفال وكان كل مانزلت الدوره يقول معليش الشهر الجاي ان شاء الله يكون فيه حمل مرة 8 شهور على زواجنا ولم يحصل حمل رحنى المستشفى وطبعا كشفت وفحصتني الدكتوره وقالت عندك ضعف في التبويض وانا هنا ماعرف وش تبويض وش بويضات طبعا احنا يابنات زمان مانعرف اصلان وشو البويضات اعطتني تحاميل اخذتها وانتظر الفرج من الله مرت سنه وسنتين وثلاث واربع وخمس وانا ماخليت دكتوره ولا مداويه شعبيه الا رحت لها مافي فايده مر على زواجنا 11 سنه من غير حمل قررنا نسافر مصر للعلاج سافرنا مصر وقالو عندك انسداد بالانابيب يبغالها توسعه سويت التوسعه هذي ورجعت بلدي السعوديه انتظر الفرج من ربي لاكن ربي ما اراد لي الخلفه كان زوجي يصبرني ويقول انا مابغى عيال انا ابغاك انتي انا ابغاك بس تكونين مبسوطه ومرتاحه معاي دايم كنت اقول له يمكن ربي ماكتب لك مني اطفال يمكن يكونون من زوجه ثانيه كان يقولي اذا ماجو الاطفال منك انا مابغى عساهم ماجو اهم شي انتي بدنيتي مر على زواجنا 17 سنه واصبت بمرض السكر وكان عمري 36 سنه وهنا احبطت وزعلت ويئست من الحمل كانو الناس يقولو لي اللي مريضة سكر ماعمرها تخلف ولا تجيب اطفال اصحاء مريضة السكر تجيب اطفال معاقين, خلاص كان عندي امل اني احمل واجيب بس من بعد اصابتي بمرض السكر فقدت الامل ومن كلام الناس المحبط كنت اروح المستشفى ادور لي علاج للحمل لاكن بعد مرض السكر كنت اروح لاجد لي علاج لسكر وخوف من مضاعفات السكر مر على زواجنا 21 سنه ولاكن بدون اطفال بدون فرحه انا كنت ساكنه في مدينه بعيده عن اهلي واهل زوجي طبعا زوجي اشترى ارض وبناها فله دورين كل دور له مدخل خاص الدور الاول كان لنا نسكن فيه اما الثاني فاجرناه كانو جيراننا عندهم 4 اطفال وكنت بس اتسمع لاصواتهم وبكائهم ولعبهم وانتظرهم يجون عندي الاعبهم وافرح فيهم بعد 25 سنه من الزواج الان صار عمري( 44 سنه) تعتبر الحرمه هنا ستدخل سن اليأس بدئت ام زوجي وابو زوجي الله يذكرهم بكل خير في هذي السنه يلمحون لزوجي ولي اني انا خلاص صار عمري في الاربعين ولو بحمل كان حملت وكانو يقولون ماحملت وهي بصحتها تحمل وهي معاها السكر الله المستعان جات الصيفيه وراح زوجي لاهله في المنطقه اللي يعيشون فيها بعيده عنا بكثيير وانا جلست بالبيت قالي كلها اسبوع وبرجع لك قلتله انا انتظرك وانا جالسه ببيتي انتظر الاسبوع هذا يخلص عشان يجي زوجي يونسني قتلتني الوحده مر اسبوع ولا جاء قال بجي الاسبوع اللي بعده مر اسبوعين وشرف العريس ايوووووه عريييييييييس راح الديره عند امه وابوه وزوجوه بنت صغيرونه عمرها 26 سنه هو جاء من المطار وكان وجهه متغير اشبك يافلان قال والله انا ماقدر اخبي عنك ولو ماتعرفين اليوم بتعرفين بكره انا رحت لديره وابوي وامي زوجوني انا فكرته اول شي يمزح معاي واضحك قلتله مبررررررررروك منك المال ومنها العيال والله والله يابنات ماجاء على بالي ولا واحد بالميه انه يتزوج علي لانه كان يقولي انا ابغاك انتي ان مابغى اطفال انتي عندي بالدنيا وكنت اصدقه للاسف بعدين قالي يارحمه انا ما امزح ان صادق انا هنا بديت اصدق وقلت له صدق؟؟؟ قال ايوه والله وانا الحين جيت واخذت لها شقه مفروشه وهي هناك الوحدها !!!!!!!!!!!!!!!!!!! انا انهرت ابكي هنا وهو يهديني وانا اقول له انا اقول من يوم رحت وحريم الجماعه كل شوي وحده داقه علي وسوالف ويسئلوني متى يجي زوجك وليه مارحتي معاه انا هنا حسيت اني راح انفجر من الغيظ والقهر قلت له وانا اخر من يعلم؟؟؟ ليش الشغله حرااام ؟؟ ليش ماقلتلي حلالك بس كان قلتلي خبرتني اول قال والله هذا الوالد مارضي اقلك قال بترفض مافيه وحده توافق ان زوجها يتزوج قلت له انا مابغاك تاخذ الاذن مني انا بس بغيتك تخبرني قال عاد يابنت الحلال حصل اللي حصل اااااااااااااااااااااااااااااا اه ياقلبي لا تحزن انا طالعت فيه واقول له طيب؟؟ قال والله هي بالشقه الوحدها بروح اشوف وش تبغى وكذا وجايك اليوم عندي لك كلام كثير واتفاقات انا دخلت المطبخ ولا كلمته وماسمعت الا صوت مفتاح الباب يقفل طلع بكيييت بكييت بكييت وادق على امي وقولها وامي بكت واتاري امي عرفت بس ماحبت تقولي قامت امي تهديني وتقول هذولي الرجال كذا ماحد له كلمه عليهم جات الساعه 11 ونص الليل وشرف العريس حتى الوقت مانسيته ويحاول يهديني ويقرب مني وويسوي نفسه بعد نفسه فيني وانا مو معطيته وجه وقام يتفق معاي يقول ليله عندك وليله عندها هنا انفجرت من الصياح قال اجي من الدوام على طول عندك واليوم اللي بعده من بعد الدوام عندها انا ما ارد عليه قام دخل الغرفه ونام وصحي تكشخ وراح العمل او الله اعلم راح للعروسه المهم عدو شهرين من اسوء شهرين على قلبي كان كله مجاملات وكذب ومسوي نفسه بعد يبغاني بعد شهرين واسبوع من زواجه قامو الناس يتباشرون بحمل زوجته الثانيه انا قالت لي بنت اختي قالت ياخاله مادريتي انو زوجت زوجك حامل !!! قلت لها لا والله مادريت والله يوفقهم هنا حسيت قلبي بيتقطع على نفسي زوجي كان طااااااير من الفرحه وكان يقولي والله هيه طيبه والله كمان تقول الولد اللي راح اجيبه لك انو ولدها قبل لا يكون ولدي قلت له ليه هوه هديه يوم تقول ولدها قبل لا يكون ولدي !!! هنا زوجي طلع المستاجرين اللي فوق وسكن العروسه ام ولي العهد المنتظر انا قلت له لا اعرفها ولا تعرفني هو وافق هنا انا الى الان ماعمري شفتها صار الرجال مو معاي خلااااااااااص قلبه وروحه معلق فوق في الدور الثاني وكبر حملها وكل يوم يكبر تعلقه وفرحته فيها يوم من الايام جاءني يقول لي اليوم رحنى المستشفى سوينا اشعه وشفنا الجنين كان يتحرك واول مره نشوفه يتحرك عارفه يارحمه تمنيت انو هذا الولد لي انا وانتي!!! وانا غاصه بعبرتي والحزن ملا قلبي انتهت التسعه اشهر وجاء ولي العهد وكان يووووم كله فرحه وجوال زوجي ماوقف من المباركين ورحمه ؟؟؟ رحمه منكسره مهمومه حزيييينه على قدرها باركت لزوجي وبكيت وحضني وقال والله يارحمه هذا الولد ماراح ينسيني العشره اللي بينا الولد هذا مابيغير حبي لك وانا منهاره ابكي المهم زوجي صار لمن يجيني في ليلتي كان بس يبغى يقضي يومه ياعلى النت يا على التلفزيون يبغى اليوم يمشي بسرعه عشان اليوم اللي بعده يروح لزوجته وولده الله يحفظه له كان يجيني بس مثل اللي يسكتني يعني انا جيتك اليوم لا تزعلين كبر الولد وصار عمره 7 اشهر وعمري ماشفته حتى صوره بجوال زوجي ماعمري شفتها مو كره للولد لا والله هو طفل ماله ذنب بس عشان مايتقطع قلبي ولا اتعلق فيه كنت اسمعه يبكي واحزن لعمري جاء يوم ربوع وكان اليوم فيني دخل زوجي الساعه 5 ونص العصر وكان بيده طفل جميل دبدوب لابس بربتوز لونه احمر وكان الولد ماسك في قميص ابوه حق العمل دخل وقال يارحمه وانا اطالع في الولد الولد طالع فيني وقام يبكي تنكر مني انا ابكي والولد يبكي قال هذا عبدالله ولدي وولدك بعد مابتتشيلينه جيت اشيله والولد قام يصيح بزياده تنكرني بزياده بوسته وهو على كتف ابوه وقلت خلاص طلعه لامه لا تسمعه يبكي تقول وش سوت لولدي هذي طلع من هنا وانا من هنا منهاره كالعاده يوم كمل الولد 9 اشهر قال زوجي انو امه حامل بالثاني يوووووووووووووه هنا خلاص طاح كرتي عند زوجي لمن صارت بالرابع وولدها كمل سنه انا هنا كلمت امي واخواني وقلت خلاص مالي عيشه معاه كم بقى من العمر انا برجع لك يايمه صار اللي صار ومناقشات وهواش لا مابطلق الا طلق لحد ماطلقني وارتحت رجعت بيت امي بعد زواج 26 سنه بدون اطفال امي كانت مريضه كانت تغسل كلى رحمة الله عليها جلست في بيت امي 7 شهور فقط وتوفت الله يسكنها جنات النعيم هنا حسيت الدنيا سودت في عيوني لا اب ولا ام ولا زوج ولا عيال هنا صار عمري 46 سنه رحت لاخواني عشت معاهم كانو يعاملوني مثل امهم مو اخت لهم بعد سنه من موت امي تقدم لي رجل عمره 64 سنه ماتت زوجته وعياله متزوجين يبغاني اكون له عون في الحياه بس انا هنا ترددت واخواني قالو لا احنا مو عجزانين عنك نعطيك هذا الشايب ويموت وترملين عليه خليك كذا احسن لك انا استخرت الله ووافقت عليه قلت اكسب فيه اجر واشيل همي من قلوب اخواني تزوجت وكان في قلبي حزن على قدري اني اعيش من غير اطفال وفعلا لو يموت زوجي وارجع لاخواني ارمله من بعد ماكنت مطلقه زوجي طيب معايا ومريض سكر وضغط وكرسترول وانا مريضة سكر الحمد لله رب العالمين الدوره كانت ملخبطه عندي يعني مره تجي وعشره لا قلت اكيد تبغى تقطعني عشان كذا تجي شهر وتجلس 7 و8 شهور ماتجي جاتني الدوره قبل زواجي بـ 6 شهور ولا زدت شفتها بعد زواجي بثلاث شهور من الشايب الله يطول بعمره حسيت بالم في اسفل بطني مغص مثل الدوره والم بصدري وحراره استمرت اسبوعين قلت بسس هذا اعراض مرض خبيث ولا شي اعوذ بالله من الشيطان الرجيم صبرت اسبوعين والشيطان يلعب براسي وقلت لزوجي وخاف علي قال يلا بوديك المستشفى رفضت رفضت واخر شي وافقت من خوفي رحت المستشفى لدكتورة النساء قلتلها الاعراض طبعا هيا اخذت معلمومات عني في كل شي عمري وكم سنه متزوجه وهل عندي اطفال وش سبب عدم الانجاب قالت اطمني ان شاء الله خير قالت لي هما الحريم كذا لمن تبغى الدوره تقطعهم قالت اشربي مويه كثير وتعالي اسوي لك اول شي سونار طلعت من عندها وطنشت رحت البيت وقلت لزوجي انا متوكله على اللي فطرني مابغى اخوف نفسي وجلست اسبوعين ثانيه نفس الاعراض وكمان جاني فقدان شهيه للاكل رجعت لدكتوره وانا شاربه مويه جاهزه قلت لها هيا سوي السونار قالت وين رحتي اشبك خرجتي مارجعتي لي قلت انا خايفه ومدري ايه واتكلم معاها وهي بالسونار على بطني اقولها انا ربي كاتبلي الشقاء يادكتوره قالت فرج الله قريب يابنتي بس هذا اللي قالته لي راحت على مكتبها وسوت لي ورقه قالت هذا تحليل روحي سويه رحت المختبر وقالت لي السستر اللي تسحب عينة دم مدام حامل؟ انا قلت لا بكل برود وسكتت قالت النتيجه بعد ساعه خرجت بالاستراحه وجلست سوالف مع الحريم بعد ساعه جاء زوجي يناديني ويقول لي ادخلي ادخلي لدكتوره وهو يضحك كذا في عيونه فرحه دخلت لدكتوره وقالت لي مبرررررروك يارحمه انتي حامل اهو في حمل ورب الكعبه حسيت قلبي يدق يدق يدق وحسيته يدق ببطني وحسيت بدوار براسي كذا شعور غرررررررررررررريب قلت كيف حامل؟؟؟ قال ازاي كيف افهمك يعني ولا ايه وتضحك وانا اقلها وضعف المبايض وانسداد الانابيب؟؟ وكيف احمل وانا عمري 47 سنه قالت ارادة الله اذا ربي اراد شي يقول له كن فيكون لا اله الا الله قمت اسلم على ايديها وابكي ابكي ابكي واسيب الدكتوره واطلع لزوجي بالسيب واقف وفيه رجال واسلم على ايديه وابكي واقوله تعال شف الدكتوره وش تقول وهو عارف اني حامل قالو له بالمختبر طبعا دخل معاي والدكتوره انصدمت انو هذا الرجل اللي انا حامل منه لانه شايب ههههههههههههه قالت مبروك المدام حامل هو قال الحمد لله والشكر لله اللهم لك الحمد شفتي يارحمه ربي رحمك وعوضك وانا شغاله بكي قالت بس في شي بقووله لكم وشو ؟ قالت السكر السكر له اثار كثيره على الجنين ولازم الان اعطيك تحويل على قسم الباطنيه ولازم تنويم رحنا الباطنيه ونوموني ونظمولي السكر واعطوني بدال الحبوب ابر انسولين بعد اسبوعين رجعت لدكتوره وسوت لي سونار وسمعتني صوت قلب النونو يووووووووه هنا بطير من الفرحه واتذكر امي رحمة الله عليها نفسي انها عاشت فرحتي رحت البيت قلت لزوجي بعلم اخواتي واخواني بحملي قال لا انتظري والله انتظرت ولمن دخلت الشهر الرابع علمت اخواتي وهم قامو بالمهمه نشرو الخبر بس فيه ناس ماصدقت اني حامل بعد هذا العمر تم حملي ولله الحمد بعد جهاد وعلاجات لسكر وحميه وتخويف الدكاتره الجنين فيه وفيه مرت الشهور مثل السنين بدئت احس بحركة النونو ببداية الرابع مثل الغازات كذا او الرعشه ومومصدقه رحت لدكتوره وورتني هوه يتحرك ببطني يلعب وحواليه مويه وتذكرت فرحت زوجي الاول لمن شاف ولده يتحرك ببطن امه ولمت نفسي اني انقهرت وبكيت ليه مافرحت له؟؟ اخيرا حسيت بالشعور اللي يحسون فيه الحريم اللهم لك الحمد يارب بدا بطني يكبر وفرحتي تكبر معاه بديت اشتري ملابس حمل اللي طول عمري امر من جنبها واقول الله يعلم هل بيجي يوم البسها؟ بدا بطني يكبر زياده اوقف على الغساله ابي اتوضا واطالع في بطني مو مصدقه انا سرت كذا؟ اطالع في بطني قدامي وصارت حركات النونو تبان اجلس على الكنبه واطالع ببطني واحمد الله كنت اطالع بالحريم اللي حوامل واقول كيييييييييف؟؟ كيف يحملون ياربي؟ كيف يحسون في شي ببطنهم يتحرك ؟ انا الحين سرت مثلهم اتذكر مره شفت حرمه شحاذه بالشارع حامل تطلب فلوس وكان يدور ببالي اقول كيف حامل هذي كيييييييف؟ حتى الشحاذين يحملون وانا لا استغفر الله العظيم بس من كثر مافي قلبي من حزن وشغف للحمل بديت اجهز لنونو من يوم قالو لي ولد بالشهر السادس الله مو مصدقه اخيرا سرت ادخل هذي المحلات حقت الاطفال واشتري وانا واثقه الف حمد وشكر لك يارب كانت هذي المحلات ممنوعه انيادخلها بس اطالع من برا فيها كنت ما اصدق وحده تولد واقول لزوجي يلا نجيب لها هديه بس عشان ادخل محل الاطفال واجلس اتفرج واتخيل اني اجيب هذي الاغراض لولدي او بنتي المنتظر الحين اشتري وانا فرحانه جهزت كل شي لنونو وجهزت لي انا بعد اغراض لنفاس دخلت الشهر التاسع جلست 3 ايام بس وقرر لي عمليه الدكتور استشاري قال البيبي بدا يكبر وانتي معاك سكر وكمان حمل عزيز لازم نخرجه قبل لا يصيبه مضاعفات هنا بديت اخاف مو على نفسي لا والله على ولدي هل بيطلع طيب وبخير؟ هل بيطلع سليم مافيه اعاقات؟ في 22/8/1428 هذا اليوم اللي لن انساه هو يوم ولادة ولدي (سلطان) رزقت بطفل جميل اللهم لك الحمد والشكر يارب ربي عوضني في زوجي الاول وصبري ربي رحمني في رحمتي لهذا الشايب اني وافقت عليه وهو مريض وبدون زوجه ربي كتبلي الحمل في هذا السن وبعد 28 سنه زواج 26 سنه زواج من زوجي الاول وسنه وحده فقط من زواجي بزوجي الثاني انا كتبت قصتي لكم للعضه والعبره وان الرزق يجي اذا ربي راده لا ضعف تبويض ولا تكيس ولا انسداد انابيب انا ماحطيت ببالي ولا واحد بالميه اني احمل ولا اجيب طفل لا تقنطو من رحمة الله ربي رحوووووووووووم رحوووووووووووووم يابنات اتمنى من الله عز وجل ان يصلح سلطان ويخليه لي ولابوه الشايب الحين عمر سلطان حبيبي سنه وشهرين ربي يحميه ابوه عمره 65 سنه وامه عمرها 48 سنه القصه حلوه ويجب أن نتعلم الصبر من هذه المرأه كم عانت وعانت ومع ذلك صبرت أتمنى تعجبكم تعلمي الصبر من هذه المرأه الله يخلي لها ولدها سلطان ولابوه والصلاة والسلام على نبينا الكريم صلى الله عليه وسلم م ن ق و ل 
|
|
03-Apr-2010, 06:08 PM
|
رقم المشاركة : ( 2 ) | |||
|
عضو نشيط
|
الله يخلي لها ولدها سلطان
جزاك الله خير على القصه |
|||
|
|
|
03-Apr-2010, 08:19 PM
|
رقم المشاركة : ( 3 ) | |||
|
عضو ذهبي
|
واياك اختي بارك الله فيك
آمين اللهم احمي سلطان ووالديه ومد في عمرهما على طاعتك |
|||
|
|
|
03-Apr-2010, 08:32 PM
|
رقم المشاركة : ( 4 ) | |||
|
عضو جديد
|
سبحان الله سبحان الله ولا اله الا الله ,يقول للشيء كون فيكون وهو على كل شيء قدير,
والله القصة اثرت في نفسي حتى سالت دموعي , جزاك الله خير سبحان الله العظيم |
|||
|
|
|
03-Apr-2010, 08:35 PM
|
رقم المشاركة : ( 5 ) | ||||
|
عضو ماسي
|
ما بعد الصبر و الشدة الا الفرج ، فجزاك الله خيرا... ربي يحفظ سلطان لأمه و يارب يكون من الذرية الصالحة وقرة عين لأهله ...
|
||||
|
|
|
03-Apr-2010, 09:47 PM
|
رقم المشاركة : ( 6 ) | |||
|
عضو ذهبي
|
الله يعطيك العافية اختي والله يخلي لها ولدها ويرزق كل محروم من الضنى ويرزق بنات المسلمين بالازواج الاخيار الطيبين تدرين انا تاثرت كثير وانقهرت كثير اتاثرت علشان جاها الولد بعد كل هذي السنوات وانقهرت لما تزوج عليها زوجها هو من حقه يشوف عياله لكن هي وش ذنبها يخليها كل هالعمر وبعدين يقهرها ويتزوج عليها وهو واعدها انو مايتزوج عليها وش فيها لو من البدايه صارحها وقالها انه وده يتزوج هي ماهي ماسكه عليه عصى ولو انه فعلا يحبها وصبر علشانها كل هالسنين يوفي بوعده لها ويكمل معها باقي المشور
على العموم هي الي كسبت في الاخر كسبت الاجر في الشايب وسمعت كلمة يمه قبل لتموت وبعد معاناه والله هالكلمه تسوى الدنيا ومافيها الله يخلي لها زوجه ولدها ويسعد زوجها الاول مع زوجته وعياله والله ياختي مثل هالمواضيع تنرفزني وحتى البكي ابكي ولو انها مزحه شكرا الف لك والله يوفقك بالدنيا وبالاخرة |
|||
|
|
|
03-Apr-2010, 11:23 PM
|
رقم المشاركة : ( 7 ) | |||
|
عضو ذهبي
|
واياكم اخواتي الحبيبات
بارك الله فيكم ويارب يخلي سلطان لوالديه قصه مؤثره تحمل معها حكمة رب العالمين ورحمته اختي جلنار نورت الصفحة بوجودك وتعقيبك الله لايحرمني منك اختي امة الرحيم دام مرورك على موضوعي ..الله يوفقك اختي ام ياسمين لاتحزني اختي ولايضيق صدرك وكله حكمة رب العالمين اللي هو ارحم بأم سلطان منا اتذكر وحده شفتها كانت تقول عن رحمة رب العالمين بها بعد ان غلقت ابواب البشر في وجهها وجلست 15 سنه دون حمل وكانت ماتيأس دعاء وصلاة والحاح على الكريم وتتسبب في التمريخ ((المساج)) ومراجعة الاطباء حتى ان قال لها طبيب سنعمل لك اطفال انابيب هنا تخبر انها كانت في سجودها تسأل الكريم ان يمن عليها من فضله وكرمه دون اطفال انابيب واصابها الم في ظهرها ولمن كشفت بشروها بالحمل وماشاء الله تبارك الله رزقت بطفل سليم فلله الحمد والمنه اما عاد زوج ام سلطان السابق فأنا ماالومه ابدا لأنه اختي صبر وكان على امل ان يرزق كل سنه الى ان بلغ من العمر مايؤهله للزواج خوفا من كبر سنه بس الومه انه المفروض عطاها خبر لانه اكيد مابتمنعه اختي ام ياسمين شرف لي مرورك دمتي في رعاية الله ويارب يوفقك ويشفيك انتي واخواتي الغاليات ويرزقكم سعادة الدارين والحمدلله الذي تتم به الصالحات |
|||
|
|
|
04-Apr-2010, 12:03 PM
|
رقم المشاركة : ( 8 ) | ||||
|
مشرفة
|
لا الاه الا الهل وحده لا شريك له
استغفر الله الذي لا الاه الا هو الحي القيوم واتوب اليه والله انها قصة تعلمنا الصبر بارك الله فيكم على هذا النقل القيم ونفع بكم امته امين يارب العالمين |
||||
|
|
|
04-Apr-2010, 12:07 PM
|
رقم المشاركة : ( 9 ) | ||||
|
مشرفة
|
يارب صبرني وصبر عائلتي بما فينا يارب
يارب حقق مراد اخوتي واخواتي بالزواج والدرية الصالحة من بعد صبر اكثر من عشرين سنة يارب العالمين والعباد اجمعين |
||||
|
|
|
04-Apr-2010, 02:55 PM
|
رقم المشاركة : ( 10 ) | |||
|
عضو ذهبي
|
آمين اختي غفرانك يارب
تأكدي اختي ان مابعد الضيق الا فرج ..ولابعد العسير الا يسير اهم شي اروا الله من انفسكم خيرا وهو اقرب الى احدنا ولكن يحتاج الامر الى يقين اسأل الله العظيم رب العرش ان يشفيكم وجميع مبتلى المسلمين شفاءا لايغادر سقما بارك الله فيك اخيتي وعفى عنك وعافاك |
|||
|
|
|
05-Apr-2010, 10:15 AM
|
رقم المشاركة : ( 11 ) | ||||
|
مشرفة
|
بارك الله فيك اختي الراجية فرج ربها وشكرا على كلامك التي نزل عليا مثل البلسم الشافي ربي يحميك ويحفظك من كل سوء يارب العالمين
|
||||
|
|
|
06-Apr-2010, 01:12 AM
|
رقم المشاركة : ( 12 ) | |||
|
عضو ذهبي
|
ويحميك اختي غفرانك يارب ويحفظك
يعلم الله مدى سعادتي بردك اسعدك الله كما اسعدتني واسأله ان ينقي قلبك من الذنوب والخطايا كما ينقي الثوب الأبيض من الدنس وأن يغسله بالماء الثلج والبرد اخيتي عن تجربه وحتى تجدي السكينه وقت البلاء ادعي بهذا الدعاء صباحا ومساءا وهو من اذكارهما اصبحنا او امسينا وامسى الملك لله والحمدلله ولااله الا الله وحده لاشريك له له الملك وله الحمد وهو على كل شيء قدير ربي اسألك خير مافي هذا اليوم فتحه ونصره ونوره وبركته وهداه وخير مابعده واعوذ بك من شر مافي هذا اليوم وشر مابعده اللهم اني اعوذ بك من الكفر والفقر اللهم اني اعوذ بك من عذاب في النار وعذاب في القبر اللهم انا نعوذ بك من سوء القضاء ومن درك الشقاء ومن جهد البلاء وشماتة الأعداء اللهم انا نسألك من اليقين ماتهون به علينا مصائب الدنيا والآخره اللهم ومتعنا بأسماعنا وابصارنا وقواتنا واختي زيدي عليها على حسب حالتك ممكن تقولين ونظارة بشرتنا لأنه بكذا بتكون نظارة بشرتك مستمره وممكن تزيدي على اي شي تحسي انك خايفه عليه جتني فتره خايفه على اسناني لمن جاها اهتزاز من العارض وادعو ربي متعني بها ولا حظي اختي انه اليقين اهم شي بمعني يالغاليه انه لو يجيك ابتلاء ايا كان نوعه بيكون نتج عنك رضى نفسي وساعتها بس بتحمدي الرحمن وتسأليه من فضله وراح بتنالي قبل كل شيء رضى رب العالمين اللي برضاه بتكونين من السعداء في الدارين وبتكون ساعتها دعواتك برحمته مستجابه.. ودايم اختي شوفي ان الدنيا سفر زي مافيه اماكن حلوه واماكن تطفش وقت عبور السياره في الطريق بيحس اي راكب عليها بهذا الشعور وكمان لمن تمر السياره بطريق وعر او مظلم هذا هو وقت الابتلاء ومافيه ظلام الا يعقبه نور وياربي ينور دنيتك بنور السعاده والهناء والتوفيق وكل افراد اسرتك وكل مبتلى برحمته اللتي وسعت كل شيء وربنا يجبر بخاطرك اختي.. |
|||
|
|
|
06-Apr-2010, 11:18 AM
|
رقم المشاركة : ( 13 ) | ||||
|
عضو نشيط
|
الله يفتحها عليكم دنيا واخرة يا رب
سبحان الله هالموضوع قرأته في وقته، الحمد لله رب العالمين، اسأل الله ان يفرج كربنا اجمعين وان يأتي الفرج ونحن صابرون شاكرون لرب العالمين. اسأل ان الله ان يفرج شدتنا وكربنا ويبارك لها في طفلها وزوجها يا الله شو انه شعور جميل اسأل الله الفرج للجميع وان يرزق جميع بنات المسلمين بأزواج صالحين والذرية الصالحة يا الله .... اللهم آمين |
||||
|
|
|
06-Apr-2010, 11:09 PM
|
رقم المشاركة : ( 14 ) | |||
|
عضو ذهبي
|
اللهم امين الله يستجيب منك اختي
ويرزقك بالمثل ويسعدك دنيا واخره ..بالفعل اختي شعور جميل احسسته مع اني لاارغب بالأمومه بسبب العارض والحمدلله على ماقدر لمن قراته عرفت قيمة الأمومه .. الله يبارك فيك اختي والحمدلله اللي اعجبك الموضوع الله يشرح صدرك وييسر امرك ويرزقك من حيث لاتحتسبين. |
|||
|
التعديل الأخير تم بواسطة الرراجيه فرج ربها ; 06-Apr-2010 الساعة 11:12 PM |
||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر رد |
| عيد الأم ! نبذة تاريخية ، وحكمه عند أهل العلم | أم جهاد | قسم منهج أهل السنة والجماعة والحوار الاسلامي | 0 | 04-Mar-2013 01:11 PM |
| إكرام الأم المسلمة ببيان فتاوى العلماء في عيد الأم | عابر السبيل | قسم منهج أهل السنة والجماعة والحوار الاسلامي | 1 | 21-Mar-2012 04:08 PM |
| علاقة الأم بابنتها المراهقة | ابو الفاروق | قسم حل المشكلات الأسرية والإجتماعية والإرشاد النفسي | 0 | 24-Jun-2009 11:45 AM |
| الأم والزوجة كفتا ميزان | ام محمد | قسم منهج أهل السنة والجماعة والحوار الاسلامي | 3 | 15-Apr-2008 09:45 PM |
| لماذا تحمل الأم طفلها على يدها اليسرى | الأمل الظامئ | قسم منهج أهل السنة والجماعة والحوار الاسلامي | 1 | 06-Apr-2008 01:56 AM |
 |
|
 |
العرض العادي
