معاناتي عند دخولي غرفة نومي

السلام عليكم ورحمة الله وبركاته
ما تفسير معاناتي عند ادخل غرفة نومي اول ما احط راسي على المخده تجيني شرقه
وكأن احد يخنقني فقط اذا كان زوجي موجود اذا كان مسافر الامر عادي نادر احس بكذا
اذا قدمي قربت من قدم زوجي احس بقرص في قدمي وحكه
اتعب في نومي اقوم مرعوبه واحياناً يمر عليه فتره ما اشوف اي حلم ويمر على فترات كوابيس
بطني منفوخه وعندي غازات ببطني تفشلني من كثر الاصوات اللي اسمعها
وسبحان الله اسمع زي الشخير ببطني ..
اولادي مستواهم تغير بالمدرسه بعد التفوق ..ولدي ينام بالمدرسه ..وبنتي يطلع لها خراجات ودمامل
ما يجلسون معاي بس يطالعون من الباب اذا كنت موجوده بنفس الغرفه يرجعون ..واحد من اولادي اكثر واحد متأثر كل الناس اخذوا عنه فكره ان عنده حاله نفسيه اصبح عنده تأتأه بالكلام وشرود وعدم تركيز وقلق واحلام مزعجه وضيقه ...هل اذا كان السحر او العين فيني يتأثر منها اولادي وهل شفائي منها اولادي ربي يشفيهم وخاصة ولدي الكبير ضاع مستقبله حسبنا الله ونعم الوكيل
اولادي كبار بالثانوي والكليه ..امور الحمل تلخبطت معي من سنوات اصبحت احمل ويتشوه الجنين وينزل الدوره اتعب منها وبدون انتظام
رقيت نفسي عند كم راقي ما اتأثر ابد
لمن بديت ادخل الموقع واسمع رقيه واقرأ قصص احس الم في رجليني وتنمل
لاتقولون روحي عياده رحت وكتبت واخذت الوصفه بس ما بدأت خفت من حبة الملوك لان عندي القولون ...سؤالي ارشدوني يا اهل الخبره انا اعاني
من مر فيه مثل حالتي ونفع معاه اي علاج يكتبه لي الله يسعدكم ويرزقكم الجنه ناقشوا وضعي وارشدوني