أمر خطير جدا،،تعالوا واقرأوا

اخواني واخواتي تعبت مما اكتب وما القى رد...
بقولكم على امر خطير حدث معي ومادري اصدقه ولا ايش اسوي محتارة،في يوم من الايام بكيت كثيرا وتعبت نفسيا وصرت اشك وافكر من اللي يكرهني لهالدرجة ويسحرني؟؟دعيت الله من كل قلبي ان بعد صلاتي للفجر يبين لي باشارة او رؤيا منو اللي سحرني،،طبعا يمكن ماتصدقون لاني مو من ااولياء الله الصالحين لكن نسأل الله انه نصير منهم اجمعين،،ولاادعي الايمان والتدين القوي،،لكن ايماني بالله وانه المنجد خلاني اصدق الدعاء وادعوه بتضرع كبير واترجاه يوضح لي منو اللي سحر لي،،وفعلا صليت ونمت وقبل طلوع الشمس،حلمت ان ام زوجي بكامل شكلها ووراها احدى بناتها،،وواضحين جدا لي،،تقول: احنا سوينا للمره هذي علشان تتخمل وتتعب مو لولدنا اشوفه هو تخمل علينا!وقالت بعد:علشان نقطع برزقها وماتاخذ الوظيفة وبنتي تاخذها((بنتها اللي واقفة وراها بالحلم))وفعلا بنتها اشتغلت وانا ماحصل لي نصيب بالعمل بالرغم من ان مؤهلاتي اعلى منها،،لكن الرزق على الله ادعولي ادعولي الله يفرج همي،،والله مااكذب عليكم،،،شكيت بكل واحد الا ام زوجي، فسبحان الله،بعد هالحلم قعدت من النوم مفزوعه ومصدومه لاني ماشكيت فيهم ابدا،،وساعه اقول اعلم زوجي وساعه اقول لا،،تدرون اذا اخبرته شنو يصير؟ الدمار لبيتي والطلاق،،لانه ماراح يرضى على امه ابدا وماحد يرضى على امه،،قعدت وفكرت واستعذت بالله وقلت يافلانه غلط لاتعلمين احد،وايام تجيني سودا وشي داخلي يقولي علميه وانشري الفتنه،لكن قاومت وقلت اخلي الموضوع سر وماقدرت وعلمت اختي،،ونصحتني ماقول لزوجي لان اكيد زوجك راح يكلم امه وبعدين يزيد كرهها لك وممكن تنكر وتزعل وتطلب من ابنها يتركك،،طبعا فكرت بهالشي وقررت مااقوله ابدا،،وحسبي الله ونعم الوكيل،،ياناس انا مومصدقه امه قدامه تعاملني عادي،لكن مرات كنت احس اني مو مرغوبه او يغارون مني لشغلات كثيرة،وكانوا يفرحون اذا ضربني ولدهم ومرات كانت امه تحرضه على ضربي بكلام غير مباشر والضرب بيناوصل للعصا والحزام والمسدس والسكين وكنت انصدم منه؟؟وتحملت وصبرت علشان العيال وعلشان اعزه وكان فيني يقين دايما ان هذا مو فعل زوجي هذا فيه شي لانه يحبني ومستحيل يحاول يقتلني مهما وصل بينا مع انه الخلافات عاديه وبين اي زوجين عاديه جدا وتافهةوردة الفعل عجيبة وتحملت الاذى لكن الحين ابي اتعالج لاني خايفة على نفسي من الامراض الخطيرة وابي السحر ينزل مني علشان اعيش مرتاحة مع زوجي وعيالي،، فأيش رايكم؟شكي صحيح ولا وساوس شيطان مع العلم لو تدرون شنو صارلي،،بعد اول جلسة علاج،،زوجي درى فيهاوقال لاهله :زوجتي طلعت مسحورة!جتني امه وقالت//خلاص لاتروحين لهالشيخ،،قلت لها ليش؟؟قالت لي:لانه يخنق كثير ،،وفعلا جاني زوجي مرة من عندهم ومعصب وحلف علي بالطلاق اذا فتحت سيرة باني اروح اتعالج عند الشيخ وفعلا سووله غسيل مخ ورفض اني اروح عند الشيخ،مع انه اهلي متكفلين بذهابي والحين اقدر اروح من دون علمه لكن ظروفي ماتسمح لي،فأرجوكم ساعدوني وعطوني رأيكم اقوله عن الحلم؟ولا اسكت وافوض امري لله؟؟اخاف من كلام من اهلي اني نحس عليه وماجاه رزق من خذاني،،مع اني مومصدقه ان في سحر يقطع الرزق لان الارزاق بيد الرحمن،،وودي زوجي يعرف بالحلم علشان مايتأثر بكلام اهله وينتبه،لكن محتارة..ارجوكم عطووني رايكم