والله اني تعبت احد يفيدني ويقول وش حالتي؟!معقووووول اللي فيني سحر؟!

السلام عليكم ورحمة الله وبركاته

انا والله احترت عن اللي فيني

انا بنت عاديه جداً

تعرفت على وحده على الانترنت وسويت معها مشاكل

واكتشفت بعد حين انها ليست مجرد الا وحده تعرفني وتقرب لي

بدات حالتي بنهاية سنة 2009 تدنى مستواي جدا جدا بعدما كنت متفوقه

صرت وحده ثانيه وربي مااشوف احد الا وتسوء اخلاقي

اخلاقي صارت مره زفت وناا اعترف

صرت وححده ثانيه مررره وربي اني انا نفسي مستغربه

شفت حلم في فبرار او مارس 2010

شفت واحد لونه اسود وحلم كثير وطويييل

وانا كنت اعتبره جني في الحلم

ومره من المرات قريت الاذكار

وجاني مليون الف ترليون حلم من الجني

كلها نفس المضمون والعنوان كلها مفادها ان جني يخنقني

ايضا صار فيني ريحه غرييبه عملت التحاليل ورحت للاطباء والنتائج سليمه

حتى اني اكره الاماكن اللي فيها ناس كثيييير وربي اني اكثر من مره اصيح وانا اروح عند الناس

مره رحت للمستشفى ومره رحت لـ ِ السوق

اكره مكان عندي في العالم

يوم اني اروح السوق اموووووووووت ولا اروح السوق

احس اني تايهه وسط البشر

انا اول ماكنت كذا

كنت من اسمع كلمة طلعه افرح

كنت اتقطع من الفرح اذا طلعت

حتى اني والله ياعالم اني الحين بساافر وربي وربي اني شايله هم جبال

كل الناس يكرهوني ويتمنوا الشر لي

صارت اخلاقي زفت مره اشوف اي احد اتهاوش معه

هوايتي الهواش

واذا كلت شوي احيانا تلوع كبدي

ارجو الرد ترى والله تعبببت

اخر احلامي حلمت اني اغرق وان فيه ذاك الجني اللي صار شيء عادي من كثر ماشوفه في احلامي

تذكرت ذاك الكاس اللي عطتني ياه الشغاله

كان طعمه عطر شربت شوي منه

ومن بعدها كل شيء ززفت

تغيرت اخلاقي مرررررره صرت اعشق شيء اسمه هواش

صرت احيانا اطلع مو علشان شيء بس علشان ريحتي واتفشل منهاا بس

شربت دوا والحمدلله تشافيت شوي وصرت اطلع

لكن الحين اكره الناس اللي ماشوفهم كثير

ومااطلع معهم واستحي

واكره شيء في العالم اروح مع ناس كثيرين ذا اكره شيء عندي في العالم

قصدي الاسواق وغيرها مثل المستشفيات

وش السالفففففه اتمنى تقولون لي وربي اني شوي وبنجن

انا مااصدق ان اخلاقي صارت كذا صرت وحده ثانيه

انا اشك اننننه سحر لا متاكده

يلا ارجو الررررررررد ترىا والله تعبت من قلب

طيب مين اللي يسحرنييي