حالة طارئه

السلام عليكم ورحمة الله وبركاته

انا اليوم ماراح اسال عن حالي ولكن راح اسال عن زوجي
طبعا مستحيل يقتنع انه يدخل المنتدى او يجاوب على الاسئلة التشخيصية مع انه في بعض الاحيان يقول انه يحس انه مو طبيعي وانه يمكن يكون مصاب بحسد او عين
بداية الزواج كان انسان ماشاء الله علية حيويه ونشاط وطاقه لكن من ابتدى مرضي قبل 3 سنوات ونص هو تغير كثير ما اعرف يقول يمكن صدمه لانك مرضتي وتركتيني فجاءة بعد ماتعودت عليك
المهم انه الان يعاني من اعراض راح اذكرها يمكن اوصل لحل
اولا :كان من زمان يعاني من ضيق بالفقرات بالظهر لكن قبل سنة او اكثر كان يلعب مع نادي مشهور وماكمل 5 مباريات جاه انزلاق غضروفي بالظهر وخشونه بالركبه
ثانيا :تجيه سخونه داخلية ويجي معاها في بعض الاحيان صداع ويحس جسمه مكسر وتعبان ويصير نايم طول الوقت
ثالثا:يحس في احيان قليلة بغثيان
رابعا :الرغبة الجنسية خفت كثير عن قبل وماعاد له نفس يقول بسبب الاطفال وانا نفس الشئ
خامسا جات فتره يحلم باشخاص نساء ورجال يطاردونه
سادسا:يقول ان مشاعره تجاهي وتجاه اطفالنا يصيبها تبلد في بعض الاحيان يحس ان فيه حاجز بيننا مع ان مافيه مشاكل تستدعي نشواء هذا الحاجز
طبعا انا مشاعري تجاهه وتجاه الحياة كلها متبلده مثل ماذكرت من 3 سنوات ونص
سابعا :تجي ايام يحس بكابه وطفش
طبعا تجي هالاشياء متجمعه واحيانا عرض واحد يستمر معه يومين ويختفي
اتمنى تفيدوني وش يكون هالشئ علما انه مايتاثر بالرقية ويسمع صورة البقرة عند النوم في بعض الاحيان واحنا ننام والقرآن يتلى الى الصباح فياليت اللي عنده علم يدلني
وجزاكم الله خير