سؤال؟؟

السلام عليكم ورحمة الله وبركاته

انا عندي استفسار واتمنى الكل يشارك وخصوصا الممسوسين
ابغى اعرف كيف تكون احاسيس وعاطفة الانسان الممسوس هل هي مثل الانسان العادي او تختلف يعني الحب الكره الخوف الحزن كل شئ اتمنى شرح وتفصيل
ولكم جزيل الشكر

واسفه بعد حبيت اعرف كيف تكون نظرة الممسوس للحياة والعالم حوله ؟؟

بالنسبه لي مااحب احد حتى نفسي وعندي خوف زياده عن الانسان العادي وكنت دائما حزينه والكره الحمدالله ماكنت اكره احد وبعد الرقيه خفت الاعراض وصرت احب وقل الخوف عندي والحزن

المشاركة الأصلية كتبت بواسطة لا تدعو الا الله

بالنسبه لي مااحب احد حتى نفسي وعندي خوف زياده عن الانسان العادي وكنت دائما حزينه والكره الحمدالله ماكنت اكره احد وبعد الرقيه خفت الاعراض وصرت احب وقل الخوف عندي والحزن

الحمدلله ربي يشفيك
ماقلت لي عن احساسك بالحياة والعالم

قبل كنت ماادري عن شي بس اسرح بخيالي ومهما حاولت احفظ اسماء اقاربي انساهم والحين افضل مااكذب عليك تحسنت لكن صرت انسى كثير لدرجه انسى كيف اتكلم لكن هذا بسبب المس في راسي لكني الان احفظ اسماء اقاربي وجماعتنا وكنت بعد اتمنى اموت وافكر بلانتحار ودائم اتذكر الاشياء المزعجه الحين ماافكر بالانتحار الا نادرا مثل اذا احد تهاوش معي غير كذا عادي يعني في تحسن الحمدالله

الحمدلله على كل حال وانا نفس اعراضك في بداية المرض لكن كنت اعرف الناس واشكالهم لكن كاني اول مره اشوفهم واتخيل اني ماراح اقدر اتكلم معهم لكن لما اتكلم كل شئ طبيعي ما احد يلاحظ علي شئ واستغرب من نفسي اتكلم في مواضيع قديمة واسالهم اساله مع اني احس اني ناسيه كل شئ وممكن اغلط قدامهم لكن من ابداء اتكلم كل شئ طبيعي تخيلي حتى اهلي اول مامرضت كنت بعيدة عنهم جلست اسبوعين مريضة وانا بعيد عنهم لان كنت اراجع مستشفيات ورقاة لكن ما قدرت اتحمل وروحت عند اهلي من دخلت عليهم كاني اول مره اشوفهم امي خواتي اخواني ابوي كل الناس غريبة اعرف اشكالهم اساميهم اتكلم في كل المواضيع اللي مرينا فيها سوا لكن كاني اول مره اجلس معاهم وجات فترة كرهت امي ليش ما اعرف مع انها الوحيدة اللي شايله همي ومهتمه فيني مع زوجي الحين الحمدلله ما اكرهها لكن دايما اتسال ليش كرهتها هذيك الفترة
اطلع برى اشوف كل شئ غريب السيارات الناس والله احس بغصة وش فيني وبنفس الوقت احس بضحك احد جالس يضحك على اشكال السيارات والناس والمباني كرهت الطلعة من البيت لاني اختنق اذا طلعت
فصرت اشوف كل شئ بالبيت غريب اثاث اراقب تصرفاتي صرت ما اكل لان تجي اساله في بالي ليس الناس تاكل وليس الناس تلبس ولولا الحيا كنت جلست بدون لبس لان هالاشياء ملحة واتخيل اني بسوي شئ غلط اعرف خوفي من الله واخلاقي ماتسمح اسوي هالاشياء لكن احس تزن على راسي وصرت منهاره وابكي باستمرار
لكن بعد العلاج النفسي خفت كثير هالاشياء وصرت اطلع اسافر حتى لو اشوف الاشياء غريبة ماصرت اهتم داخل البيت ماصرت اشوف الاثاث والملابس والاشياء الثانية صارت عادية ما استغرب منها احضر مناسبات قبل حتى المستشفى ومراجعات ولدي اروح وانا منهاره تماما بس ادعي ان ينتهي الموعد بسرعة وارجع للبيت كرهت حياتي لكن الحمدلله الحين احيانا ما احس بنفسي ولا اعرف من انا لكن اتحمل الى ان تعدي هالازمه وارجع اتاقلم مع الوضع احس العلاج النفسي ريحني كثير عن قبل حتى لو انه سبب لي تبلد بزيادة اكثر من قبل اخذة لكن على الاقل صرت قادرة اجلس ببيتي واهتم باطفالي مو مثل قبل على طول تعبانه ومنهارة يارب لك الحمد والشكر

يسعدني ان في تحسن لكن الي يظهر لي انك تاخذين حبوب نفسيه الان صح؟

الحين لا لي سنة ما اخذ علاج نفسي

الله يشفيك وينصرك ويسر لك اسباب الشفاء

اللهم امين

معرفش