هاقد عدت مجددآ

السلام عليكم ورحمة الله وبركاته

انا محتاره الاعراض عندي متذبذبه عشان كذا ما اقدر احكم على نفسي هل انا مريضه ام لا يعني الاعراض مو مستمره تختفي فتره يمكن توصل سنه وترجع وممكن مره وحده تمر علي وماتمر علي بعدها يعني الحين بحط اعراض وراح اقولكم كيف احساسي فيها وانتم احكموا



لعلك مريض وأنت لا تدري
**أخي وأختي قد نكون مصابين بعين أو بحسد أو بسحر ونحن لا نعلم وهذا قد ينطبق على من معكم في البيت كذلك فإذا كنتم تشعرون ببعض الأعراض التالية فقد تكونون مصابون وعلم ذلك عند ربي:

1- ضيقة صدر من غير سبب (أنا طفشانه أو طفشان بس ما أدري وش السبب)هذا العرض عندي شبه مستمر من قبل اتعب بس الحين بزياده
2- تنمل في الأطراف (الأيدي، والأرجل)ما اعرف وش المقصود انا يجيني تنمل لكن مو فجاءه يعني اكون نايمه على يدي اقوم القاها منمله يعني التنمل يجي بسبب
3- نزول دموع فجاءه من غير تثاؤب أو حزن
مو دايم وارجع السبب ان عيوني في الاصل تعبانه
4- عدم النوم السريع (قلق،أرق)
مريت بهالفتره مع بداية الحاله الحين يارب لك الحمد
5- بالنسبة للمرأة عدم انتظام الدورة الشهرية لديها
الحمدالله ما اشتكي من هالشي
6ـ أثناء الطهر نزول بعض القطع البيضاء التي ما كانت موجودة معها في السابق هذا العرض بداء معي من ايام زواجي الاولى الى وقت قريب الان اختفت
7ـ برودة أو حرارة في الأطراف ماكانت موجودة سابقاً يعني ماعرف كيف غير موجوده سابقا مر علي هالعرض كم مره واختفى الان
8- صداع هنا مشكل مو صداع يعني احيانا صداع واحيانا بس ثقل وشعور بغيظ بشي في الراس مو الم مدري كيف ينوصف واحيانا مثل المسمار في جانب الراس واحيانا نبض مؤلم في منطقه صغيره من الراس هذي اشياء تمر على فترات متباعده بس اكثر شي شبه مستمر الصداع والضغط مع ان الضغط يكون تمام
9- نفره من الزوج أو العكس بعد هالعرض مر علي كان بداية الحالة قوي مره الحين الحمدلله يجي على خفيف مره شي لايذكر
10- تغير رائحة الفم أو مرارة أن لم تكن عضوية
بعد في بداية المرض بس
11- تغير النفسية عند الدخول إلى البيت لا بس اكون طفشانه بالبيت ولما اطلع لو الف العالم وارجع احس برضه بالطفش
12- ألم في الظهر في أعلى الأكتاف أو في وسط الظهر أو في أسفل الظهر الم الظهر عاد هذا شي ثاني قبل الزواج كان بس فوق ونص الظهر الى بعد الزواج بفتره خف ومن حملي الاول كنت ما اقدر امشي من الم اسفل الظهر واستمر بعد الولاده وبعد ولادتي الثانيه كنت اذا جلست فتره طويله وقفت لازم اوقف بالتدريج لان الالم يكون قوي خف بعد اول رقيه وجلست سنه بدونه ورجع من جديد بس اخف
13- انتفاخ البطن حتى ولو كان البطن خاوي مره وغالباً بعد الأكل يقول ال**** منا (ليتني ما أكلت)هذي متذبذبه تستمر فترة وتختفي وترجع وهكذا
14- تقفيل المزاج فجاءه هذي حتى زوجي ملاحظها علي
15- الضعف في العبادة من ناحية الصلاة وقرأه القرآن فهناك نساء ورجال كانوا محافظات ومحافظين على الصلاة فجاءه أحسوا بالفتورانا وحده منهم حتى اني بعد ماكان لي ورد يومي بعد المرض وكنت محافظه على الاذكار الان فتور ومامسكت المصحف من بعد رمضان الا قبل يومين وما اشعر بلذه ولا خشوع في العبادات
16- البكاء من غير سبب احيانا اكون مخنوقه وما اقدر ابكي واحيانا ابكي من شدة الضيقه بس احس دموعي جفت
17- حب العزلة والوحدة لا بداية المرض اخاف منها بس ماحب اختلاط بناس غرب احب اكون مع اهلي والحين احيانا احب اطلع وازور احد بس ماحب ارتبط مع احد لان حالتي النفسية متقلبه وماحب الناس تفهمني غلط
18- نبضات متفرقة في بعض أنحاء الجسم هذي مستمره بس تخف احيان وتزيد بعض الاحيان
19- الذهاب للعمل سواءً الرجال والنساء إذا كان بتثاقل وإذا ماكان موجود في السابق فنضع علامة
20- الاشتياق للزوج والعكس إذا خرج من البيت كانت عندي اول الحين مالاحظتها
21- التعرق الغير طبيعي من غير سبب إذ لم يكن طبع فيك
مر علي قبل سنتين الحين اختفى
**نأتي من ناحية الرؤى فلها دلالة بإذن الله بتشخيص الحالة هل أنتم مصابون أم لا والبعض يرى إن الرؤى لا تقدم ولا تؤخر والبعض الآخر لا يعترف بذلك :

1- هل ترى أنك تسقطين أو تسقط من مكان عالي من جبل أو عمارة أو درج وتتكرر هذه الرؤية من صغري تكرر مثل هالرؤى لكن الحين خفت كثير
2- رؤية الحشرات لا بس مره تسلطت علي الصراصير وراحت واكثر شي احلم فيه الوزغ
3-رؤية الفيلة ــــ والجمال ـــ وبعض الحيوانات لها رموز ومنها الهوام من صغري احلم بالكلاب الان خفت كثير وبرضه القطط السود كنت احلم فيها باستمرار الان شبه اختفت وبعض الاحيان اسد ذئب بس مو بشكل ملفت
4- هل ترين أو ترى إن هناك من يطاردك من قبل نساء معروفات أو غير معروفات وكذلك رجال معروفين أو غير معروفين وكذلك من الحيوانات اول نعم الحين لا
5- الاحتلام ومقدمات الجماع إذ لم يكن بإنزال مع تكرار الروية سواءً مع أشخاص معروفين أو غير معروفين فله دلالة في نوع معين من الإصابة
برضه هذي تسلطت علي في فتره قبل المرض واستمرت الى وقت قريب بس الان نادرة لكن اكثر شي مع زوجي بس مايصير جماع كامل يجي شي يقطع علينا
6- الطيران في الهواء حسب ما اتذكر مرات معدوده مرت علي مثل هالاحلام اكثر شي احس اني متعلقه ببرج باعلى ناطحة سحاب
7- هل رأيت إنسانا ما قام برميك برصاص عن طريق (رشاش ـ بندق ـ مسدس) أو بطعنك بسهم أو سكين مره وحده اشوف كاني في حرب قديمه عرفت هالشي من لبس الناس وواحد جاء عندي كنت امثل اني ميته وكنت احس بخوف وقام بغرس سيف بظهري
ومره بنت خالتي معها سكين وتحاول تفتح الباب علي وانا ادفعه بقوة ومره كانه بالاول عم اختي ابو زوجها ومعاه سكين يطاردني فيها واختبيت منه بالغرفه وهو يحاول يفتح الباب وبعدين تحول الى عمي ابو زوجي حسيت بتعب لما صحيت من الحلم بسبب المجهود اللي سويته بالحلم

8- أو إنسان ينظر لك عبر نافذة أو عبر فتحة خلسة أو نظره بريبة لا بس احلم مو دايم ان انا وزوجي نمشي ونساء تنظر لنا وانا احاول اغيظهن واقرب من زوجي اكثر واتودد له اكثر
9- أو يقوم إنسان ما بضربك في مكان ما في جسمك ماتحضرني غير اللي ذكرت فوق
10- أو مشاهدة بيوت قديمة كنت تسكنها أو شياطين لا بس قبل اشوف بيوت تكون مظلمه واغلب شي بيوت او كانها مستشفيات كلها ابواب واسياب اركض فيها ابغى اطلع لاني حاسه ان فيه جن بالمكان
11- أو مشاهدة أن بيتك (محيوس) يعني غير مرتب لا بس تسلطت علي في فترة دورات المياه القذرة بشكل مستمر الان خفت كثير من فترة بسيطه


ابغى تعليقكم على الموضوع يعني اعراضي متذبذبه مو مستمره فكيف اعراف هل فيني شئ او انا انسانه سليمه
لا تقولوا اعرضي نفسك على الرقيه لان مافيه احد كثري مر على رقاة او رقى نفسه بس مافي اعراض ابدا