قصه غريبه حصلت معايا

على ما اعتقد ان زي ما في جن شرير في جن طيب وبحب اللعب
يعني مثلا انا في مره كنت بايت انا وواحد صحبي وبنذاكر عشان عندنا تاني يوم امتحان صاحبي طلب مني اشوفله السكه للحمام وشوفتله الطريقه ودخ الحمام وانا راجع ببص لقيت في أوضه السفره واحد قاعد على تربيزه السفره واحد عادي جدا قولت ان بيتهيألي بعد كده دخلت الاوضه واستنيت صاحبي يجي لقيت صاحبي جاي جري ومفزوع وبيقولي انه شاف وش بني قادم بنفس المواصفات اللي انا شوفتها بيبصله من شباك الحمام . المهم انا ضحكت وقولت عادي قاعدين بنذاكر وحطينا القلم على السرير وبعد شويه بنبص على القلم مش لقيناه قلبنا عليه الدنيا وبعد شويه لقيناه زي ماكنا حطيته في مكانه بالظبط . المهم اترعبنا وقفلنا النور عشان ننام . كل مانبص نلاقي حاجات منوره في السقف اترعبنا اكتر ونسسمع اصوات غريبه مع ان اهلي كانوا نايمين في الاوضه التانيه عادي جدا وفي هدوء تام . ابتدينا نحس حاجات غريبه ونشوف حاجات بتنور واصوات غريبه و السي دي روم بتاع الجهاز يتفتح ويتقفل والشاشه تنور وتطفي وصوت السبيكر يعلى ويوطى وحجات غريبه المهم اترعبنا وقفلنا الكمبيوتر خالص بس مازالت الاصوات والحجات اللي بتنور موجوده . فانا قلبت الموضوع جد وقولت كده مافيش ماجال للهزار . وقولت لو فعلا في روح او جن ادوني تلات خبطات . بعد ماقولت كده على طول سمعت صوت تلات خبطات متتالين جاين من نحيه الشباك . ساعتها اتاكد ان كل ده ماكانش تهيأت . وجاتلنا حاله اغماء احنا الاتنين في نفس الوقت وصحينا تاني يوم الصبح ومن ساعتها البيت عندي عادي جدا ومفيهوش اي حاجه غلط . فياترا فعلا في جن بيحب يلعب ويهزر ولا ايه بالظبط . ؟ ؟ ؟ ؟