تكفون هذي مشكلتي ريحوني الله يريحكم

السلام عليكم

اسمحولي اقولكم قصتي وبصراحه وعشان ارتاح ..

انا دخلت النت مندفعه وسجلت في منتديات مختلطه وكان فيه شخص يحاول يتقرب مني فارسل لي بنت تقول لي هالكلام والبنت لحووحه مره وقلت لها اني مخطوبه عشان تبعد عني وطبعا انا اكذب لاني مو مخطوبه وقتها ..

بعد فتره حسيت اني رابطه نفسي بينهم بهالخطيب الوهمي وتقدرون تقولون بدى الشيطان يوسوس لي فقررت اقولهم ان هالخطيب مات واني معتده عليه وبرضوا هالشي كذب ..

وكذبت هالكذبه اللي خلت المنتدى بأكمله يتفاعل معاي وحسيت إنهم تعاطفوا مع قصتي وحزنوا علي ونزلوا موضوع للعزاء , طبعا هالفتره كنت ادخل بس قليل

وسبحان الله بعد هالكذبه ماصار لي نفس ادخل كل المنتديات اللي اسجل فيها وشوي شوي لما اعلنت رحيلي من عندهم خاصه لاني حسيت ان حزنهم بسبب مشكلتي الوهميه ..



وبعد ماتركتهم انخطبت في الحقيقه لواحد واستخرت وارتحت له واهلي حبووه بس انا مو قادره انسى الكذبه اللي كذبتها خايفه ربي يحط عقوبة كذبي في ولد الناس ويموت او شي واعتد عليه ,, وخايفه اكمل هالخطبه , بسبب هالكذبه مع اني تركت المنتدى وتبت لربي واستغفرت وناويه اتصدق عن قريب ..



تكفوف اوافق والا لا على هالشخص المتقدم لي , لان الخوف يحاصرني دايم من هالكذبه وافكار تودي وتجيب ؟..
وخايفه ابقى طول عمري بدون زواج والسبب خوفي لا اتسبب في عيال الناس بسبب كذبتي .


صح ان ربي غفور رحيم بس انه شديد العقاب و انا دايم اخاف انه مايغفر لي هالذنب لاني اثرت على نفسيات الناس وتفاعلوا مع الكذبه ..


الله يسعدكم ريحني والله ماحسيت بالسعاده اللي تحسها اي مخطوبه ؟؟..

تكفوون ردوا علي ..

حبيبتي توكلي على الله وإذا ولد الناس اللي متقدم لك على قدر

من الدين والخلق وااااااااافقي


وحاولي تنسي المنتدى المختلط اللي كنتِ فيه والحمد لله ربي

يحبك وحفظك من شر هالإختلاط

وصدقيني ماراح يصير لك إلا كل خير ولا تخافي

أهم شيء أستخيري للخطوبه وثقي بما عند الله

وبخصوص كذبتك فصدقيني أغلب المنتديات المختلطه كذب في

كذب ، واللي فهمته من كذبتك في البدايه لتحافظي على نفسك


ولأن ربي عارف نيتك الطاهره حب يحصنك وارسل لك إنسان

طيب بعد ما رحلتي من المنتدى المختلط


لا تجعلي الشيطان يوسوس لك ويخرب عليك

الله ييسر لك أمورك وتتم الخطوبه ويكون هالزواج خير عليك



ولا تنسي تطمنينا عليك يا قمر

الله يريحك مثل ماريحتيني بس انا خوفي من الكذبه الثانيه ربي يحطها في ولد الناس ويموت ..!!

الله يسعدك دنيا و آخره ويحقق لك اللي في بالك ويسخر لك خلقه ..

اقتباس:
المشاركة الأصلية كتبت بواسطة آلمهمومه
الله يريحك مثل ماريحتيني بس انا خوفي من الكذبه الثانيه ربي يحطها في ولد الناس ويموت ..!!

الله يسعدك دنيا و آخره ويحقق لك اللي في بالك ويسخر لك خلقه ..

آآآآمين ما أحلى دعائك أثلج صدري .. الله يجزاكـ الفردوس

شوفي يا غاليه صدقيني محد بيموت قبل يومه

وبإذن الله عمره طوييييل

انتِ بس أستغفري من كذبتك وثقي ان ربي بيغفر لك

ولا تعطي الشيطان اذنك و توكلي على الله


وخيـــــــر البر عاجله .. وألف مبـــــــــروكـ مقدماً


ملاحظة أخيرة .. لا تخبري زوجك مستقبلاً عن موضوع المنتدى

المختلط ... وحياة موفقة بإذن الله ..

ربى يسعدك يا أختاه أنت أهم شى أستغفرتى ربى وقمتى بالتوبة النصوحه وأسئلى الله فى ثلث لاخير من الليل بالمغفره واستغفرى الله دائما وأدخلى ألى المنتدى أعترفى بخطأئكى والله ما فى أحسن بصدق ولا تنسى أسلوبكى فى القاء الاعتدار ...وربى يسعدك

أمواج ..

الله يفتحها بوجهك مثل ما رجعتيلي الأمل ..
بسوي مثل ماقلتي ..



ربي اغفر لي ..
الله يطمن قلبك ان شاء الله ربي يغفر لي بس ماادري فيه ناس قالوا ربي ستر عليك ليه تفضحين نفسك وانا بصراحه ماودي ارجع ابدا
ولا ودي افتح باب ثاني ..


الله يسعدكم يارب ,,

المشاركة الأصلية كتبت بواسطة آلمهمومه

الله يريحك مثل ماريحتيني بس انا خوفي من الكذبه الثانيه ربي يحطها في ولد الناس ويموت ..!!

الله يسعدك دنيا و آخره ويحقق لك اللي في بالك ويسخر لك خلقه ..

كيف يعني بيموت قبل يومه المكتوب له عشانك كذبت او بالحقيقة انت لم تكذبي انت وريت فقط والله العالم لو لم تفعلي هكذا كان االله اعلم ماذا يصير لك توكلي على الله ولا تطاوعين الشياطين اللي ما يتمنون اي بنت مسلمة تلتزم ولا يصير لها بيت وعيال وتعبد ربها والله المستعان.

ربى يوفقك اختى

اهل الرقيه ,

الله يسعدك دنيا وآخره وربي ريحتوني ..
الله يكتبلك الاجر ..


عماد ..

وياك اخوي الله يسعدك ,,

يالغاليه انسى موضوع المنتدى والكذبه انتي تبتبي خلاص وماراح ترجعي للمنتدى

وماكذبتي الا لتحافظي على نفسك

المهم استخيري وان شاء الله ربي يوفقك ويسعدك

وابن الناس ربي يطول في عمره ويخليه لك

بس نصيحه هذا الموضوع بعد الخطوبه انسيه ولا تروحي تقوليله على اللي صار

الله يوفقك وادعي لي بزوج صالح

تسلمين حبيبتي والله تريحني ردودكم ..

الله يرزقك بالزوج الصالح اللي تتمناه نفسك عاجل غير آجل يارب ..

ربي يسعدك ,,