الحقوني بنصايحكم انا تعبت نفسيا صلاتي عدم

السلام عليكم ورحمة الله وبركاته
اولا اشكركم على هذا المنتدى الرائع الذي استفدت منه كثير
ثانيا اريد ان اشكو لكم من نفسي
انا امراءه متزوجه وعندي ولدين والحمد لله اغلب الاحيان اكون متوتره في البيت ودايما اصارخ على عيالي بسبب وبدون سبب ولما ينام الجميع خلاص اروق واهدى وكمان الصلاه وهي الاهم والي معذبتني صلاتي مثل عدمها يعني اصلي واسرح بشكل فضيع في الصلاه مع اني احاول اركز وامشي شوي وارجع اسرح بدون ما احس ومره من المرات جلست ابكي وادعي الله انه يثبتني ويهديني انا عارفه اني مقصره ودي اتعدل بس غصب عني لما ابداء اصلي كاني في عالم ثاني وفي امور حياتي الثانيه كل شي عادي اصوم باره بوالدي والحمد لله والجميع يحبني عمري ما زعلت احد واحاول ارضي الجميع واصل الرحم عيبي الصلاه اذا نمت ما اصحى الا اذا راح الوقت واجمع فرضين مع بعض بس بدون معنى يعني بس جسم يركع ويسجد قلب مافيه وانسى بشكل فضيع واسرح احاول اني التزم بالصلاه بس مو بيدي لدرجة اني قلت لوحده من خواتي كل فرض دقي علي جوالي لين اقوم وهزئيني لانها لو ما هزئتني برجع انام انا حاسه بالذنب وش اسوي افيدوني جزاكم الله كل خير