تعبت من الجاثوم

السلام عليكم ورحمه الله وبركاته
حبيت استفسر عن الجاثوم وهو انه من كنت صغيره وهو كان يجيني تقريبا كان عمري
8 سنوات او9 سنين والحين صار عمري 22 سنه وهو ملازمني بالبدايه كنت اشوفه
طفل صغير وكان اسود وكان يايمسك رقبتي او يلصق ظهره لي بس ماكنت احس بمسكه
لي
الا اني ماقدر اتحرك واتكلم واحس انه كاتم على صدري وبعد فتره صرت لمايجيني اشوفه
اكبر من قبل بس مااشوف ملامح وجهه ونفس الشي ويوم صار عمري 17 سنه رحت
للشيخ قالي انه حسد والحمد الله اختفى بس يوم خرج عني الشيخ ظليت بعدها كم شهر
ورجع لي من جديد بس بهيئه مره لابسه حجاب كامل مااشوف منها شي او بهيئه رجال
ماعرفه او بهيئه اهلي حتى الوضوء جربته والاذكار مافاد معي صار يجيني وصرت احلم
بالعقارب والحيايا الصفراء والثور والصراصير او ان بالحلم تلاحقني مره بالحجاب الكامل
او رجال ماعرفه ومره حلمت اني استفرغ الله يكرمكم بلغم بس ماطلع كله واحس انه مثل
الخيوط يطلع ويطلع فيني خاصه بيدي وبالفخذ بقع زرقاء وحمراء ولما اجي انا اقراء ايه
الكرسي واخر ايتين من البقره اتلخبط فيهم يعني اقعد احوس اجيب بدايه الكرسي وانتهي
باخر ايات البقره او انسى بعض الايات ولا كانها مرت علي وعلى طول انام وانا ماكملت
قرايه كاني مخدره وبعض الاحيان ماحب استنى صلاه الفجر او الظهر اتضايق احاول
انام قبل لايؤذن وفيه مشكله ثانيه هي الي منغصه علي حياتي ان ابوي مااحب اتكلم معاه
واذا جاء او سولف اصد عنه او جيت اسولف معه كان احد يربط لساني واذا سولفت
اسولف وانا صاده احس هالتصرف هو الي منكد علي احس انه غصب مو بارادتي
واذا غاب اشتاقله حيل وماحب يغيب عني واذا تاخر بالرجعه انقل هم انه تاخر واذا جاء
يضيق صدري وما احب اقعد عنده بعض الاحيان اقعد عنده مجامله لا اكثر او اقل ولا
ابين له اني مو طايقته لان اذا وضحت راح يودوني لشيخ بالغصب وانا ماابغى واذا
تدهنت بزيت مقري ارتاح بس مااحس بضيقه ولا شي بس اني اطول بالنومه اذا تدهنت
وكاني مونايمه لي سنين وثقل بس مااحلم وقتها وارتاح بالنومه وبالنسبه للقران اذا انا
شغلته عادي مااحس بشي بس مااركز وبس سرحانه بس مااحس بضيقه وماادري وين
واصل بس اذا شغله احد غيري اتضايق واشغل وقتي باي شي عشان مااحد ينتبه وعشان
مااسمع للقران واكره الي يشغله عندي بس اذا انا عادي ماحس بشي وبالنسبه اذا سمعت
احد يسولف بالرقيه او احد يجيب كلمه سحر حسد عين مس او اقراها ان احس شعر
جسمي كله يوقف وبعض الاحيان احس بروده بين اكتوفي والم بكتفي الايسر وتحت
الظهر واحس بحركه على جانب القدم الايمن على الجانب الداخل تحت العظمه البارزه
كان شي يتحرك بشكل دائري ما ادري فهمتوا علي او لا ومره كنت متضايقه ودهنت
بزيت وشربت منه ودهنت خشمي بالمسك الاسود وقريت البقره بعدها حسيت براحه
وبالنسبه لماء زمزم اشربه بالغصب احس انه ماي غسول مو حق شرب واخر شي
الصلاه لما اصلي ماادري وش قريت وكم ركعه يعني طول ما انا اصلي سرحانه
واحاول اتعوذ واسمي وابدى باول ركعه عادي بعدها اسرح احس اني خلاص تعبت
الي عنده حل يقولي لاتبخلون علي......

الله يجزاكم خير هذي ايش اعراضه